Jongste Nuus
TLU SA het met absolute weersin kennis geneem dat die ANC Jeugleier, Julius Malema, sy omstrede voorganger, Peter Mokaba, se haatspraak dreunsang “Kill the Boer, kill the farmer” (“Shoot the boere, they are rapists”) aangepas het tydens ‘n optrede by... Woensdag, 10 Maart 2010 Meer |
TLU SA is verheug oor die uitspraak van die Grondeisehof in Johannesburg, waarvolgens die Baphiring-stam se eis om grond in die Koster-distrik van die hand gewys is.“Dit is verblydend dat die hof voedselsekerheid in ag geneem het, bo politieke oorwegings... Woensdag, 24 Februarie 2010 Meer |
Die onmiddellike verhoging van 24,8% wat Nersa goedgekeur het vir die verhoging van elektrisiteit, word betreur, en dit is duidelik dat slegs na die belange van Eskom gekyk is, maar nie na die belange van die verbruiker en ook die... Woensdag, 24 Februarie 2010 Meer |
Die Forum op hierdie webwerf, is nou in volle bedryf. Alle elektroniese haakplekke en groeipyne is nou hopenlik uitgestryk, wat beteken dat die gesprekvoering op die Forum kan begin. Enkele onderwerpe word reeds daar aangespreek, en reaksie en gesprek daaroor... Maandag, 22 Februarie 2010 Meer |
TLU SA se ekonomiese adviseur, prof. Koos de la Rey, het die onlangse begroting volledig bestudeer en ontleed, en die volgende kommentaar daaroor opgestel:Algemeen:As daar in die algemeen na die begroting gekyk word is die volgende punte van belang:1. Die... Maandag, 22 Februarie 2010 Meer |
TLU SA het nog nie die Minister van Finansies se begroting in geheel bestudeer nie, en sal later meer breedvoerig hierop reageer.TLU SA het egter namens alle boere van die land met skok kennis geneem van die styging in brandstof... Woensdag, 17 Februarie 2010 Meer |
Plaasmoorde lyk in die eerste twee maande van vanjaar weer 'n opwaartse tendens te toon. TLU SA se jongboere het reeds 'n protesaksie geloods en 'n memorandum aan die staatshoof gestuur. Tans is daar ook 'n petisie teen plaasmoorde... Woensdag, 17 Februarie 2010 Meer |
“Pres. Jacob Zuma se staatsrede was oninteressant en vaal en het geen besieling getoon nie, veral nie vir die boeregemeenskap nie.”Dit is die reaksie van mnr. Ben Marais, TLU SA se President. Hy sê daar is geen besondere verwysing na... Vrydag, 12 Februarie 2010 Meer |
Die memorandum wat die jongboere van TLU SA aan die SAPD oorhandig het na hulle protesbyeenkoms teen misdaad by Fort Schanskop, kan HIER afgelaai word. Die skrywe wat in die verband aan pres. Zuma orhandig is, kan HIER afgelaai word.... Vrydag, 12 Februarie 2010 Meer |
TLU SA kan nie anders nie as om die Minister van Behuising, Tokyo Sexwale se stelling dat met die invoer van die huurarbeiderswet, boere “miljoene” arbeiders weggejaag het wat nou in plakkerskampe sit, te verwerp nie.“Mnr. Sexwale maak hom skuldig... Maandag, 1 Februarie 2010 Meer |
Die sperdatum vir boere om aan te dui of hulle wil deelneem aan ‘n ondersoek om moontlike vergoeding by Sasol as gevolg van die samespanning in die kunsmisbedryf , kom vinnig nader.TLU SA het reeds verlede jaar ‘n uitnodiging gerig... Maandag, 1 Februarie 2010 Meer |
TLU SA is hoogs beswaard oor die feit dat sy voorsitter van die Wes-Streek, mnr. Wilhelm Rochér, ‘n naweek in die tronk moes deurbring en op aanklagte van moord moet teregstaan nadat hy sy lewe en eiendom moes beskerm... Maandag, 25 Januarie 2010 Meer |
Die nuwe minimum lone wat boere vanaf 1 Maart 2010 aan hulle arbeiders moet betaal, is vasgestel. Dit verteenwoordig 'n styging van net minder as 7%. Die Landbou Werkgewersorganisasie (LWO), was so vriendelik om die gepubliseerde tarief beskikbaar... Maandag, 25 Januarie 2010 Meer |
Dit het onder TLU SA se Sentraal-streek se aandag gekom dat grondeienaars nie altyd in kennis gestel word wanneer ’n eis ten opsigte van die herstel van grondregte in die Staatskoerant gepubliseer word nie. Dit bring mee dat die meeste... Maandag, 25 Januarie 2010 Meer |
TLU SA kan heelhartig sy ondersteuning gee aan die voorgestelde planne om die stelsel van uitvoerende burgemeesters te termineer, maar doen tegelykertyd ’n beroep op die regering om sy papierplanne, so gou moontlik in dade om te sit. Die... Vrydag, 22 Januarie 2010 Meer |
|
|
Standpunte Artikels
Die status quo is onaanvaarbaar. Moord, aanranding, verkragting, roof, diefstal (insluitend vee- en wilddiefstal), brandstigting, betreding en onwettige grondbesetting en intimidasie duur voort terwyl die Kommandostelsel uitgefaseer word voordat die Sektorpolisiëringstelsel na behore geïmplimenteer is. Lg. bied nie vir landbouers... Maandag, 1 September 2008 Meer |
Talle nuwe wette en regulasies het ‘n uiters negatiewe uitwerking op die landbousektor. In die meerderheid van gevalle, is hierdie nuwe maatreëls eensydig in werking gestel sonder dat die landbousektor sinvolle insette kon lewer. Landbouers is prysnemers, en elke addisionele... Maandag, 1 September 2008 Meer |
TLU SA benut elke geleentheid om die belange van sy lede aan die Owerheid oor te dra. Persoonlike gesprekke met die betrokke minister van Landbou en Grondsake vind elke 2 maande plaas. Voorts is TLU SA deurlopend in gesprek met... Maandag, 1 September 2008 Meer |
TLU SA onderskryf die uitgangspunt dat daar verskillende gesagdraende liggame (regerings-vorme) is nl die van die individu, die gesin, die kerk en kultuur, en burgerlike gesag. Alle gesag van die staat is afgeleide gesag en kan plaaslike owerhede nie optree... Maandag, 1 September 2008 Meer |
Voedselsekerheid is ’n kritieke element van enige staat se strategiese profiel. Suid-Afrika is in die bevoorregte posisie om tot nou in die binnelandse behoefte te voorsien en waardevolle buitelandse valuta te verdien. Hierdie toedrag van sake is egter in gedrang... Maandag, 1 September 2008 Meer |
TLU SA se uitgangspunt oor transformasie in die landbousektor, is: In die belang van almal betrokke, is dit belangrik dat ekonomiese volhoubaarheid en stabiliteit in die sektor gehandhaaf word. Die produksie van voedsel en vesel, asook die verdienste van buitelandse... Maandag, 1 September 2008 Meer |
Die benadering om landbou se rol in die ekonomie te meet aan die bydrae wat gemaak word tot die BBP is tegnies korrek. Aspekte wat egter ook in ag geneem moet word indien die rol van landbou in die ekonomie... Maandag, 1 September 2008 Meer |
Die proses rondom AgriSEB het sedert die eerste fase waarby TLU SA nie betrokke was nie heelwat interaksie teweeggebring. Met die daarstelling van die “Steering Committee” is TLU SA wel betrek en is daar deurlopend duidelik standpunt op skrif ingeneem... Maandag, 1 September 2008 Meer |
TLU SA onderskryf die uitgangspunt dat belastings deel is van die staatsbestel van Suid-Afrika en dat elke burger verantwoordelik is vir die betaling van persoonlike belasting. Belastings en heffings wat op ’n onbillike aanslag van belastingheffing neerkom sonder deursigtige... Maandag, 1 September 2008 Meer |
TLU SA onderskryf die uitgangspunt dat die mens beleef voorspoed in skeppende, produktiewe arbeid en privaat eiendomsbesit. Dié beginsel bevestig dat op die lange duur produktiewe werk volgens ons Christelike roeping as kommersiële landbouers, kennis, wysheid, verantwoordelike bestuur en privaatbesit... Maandag, 1 September 2008 Meer |
|
|
Zuma moet sê oor Malema by gesprek met Afrikaners |
 |
 |
 |
|
Geskryf deur Administrator
|
|
Woensdag, 10 Maart 2010 15:27 |
|
TLU SA het met absolute weersin kennis geneem dat die ANC Jeugleier, Julius Malema, sy omstrede voorganger, Peter Mokaba, se haatspraak dreunsang “Kill the Boer, kill the farmer” (“Shoot the boere, they are rapists”) aangepas het tydens ‘n optrede by die Universiteit van Johannesburg. TLU SA neem met ewe veel weersin kennis dat die ANC as organisasie nog nie dissiplinêr hieroor teen hom opgetree het nie, in die lig daarvan dat dié slagspreuk reeds tot haatspraak verklaar is. TLU SA se president, mnr., Ben Marais, vra of Malema, as die kroonprins van die ANC, dan nou bo enige moraliteit en bo enige reg verhewe is. “Is die ANC strukture en hulle leiers bang vir die knaap wat nie net die organisasie skade doen nie, maar ook die land. Hy kom telkens weg met enige omstrede, radikale, belaglike en nou ook walglike uitspraak.”
Mnr. Marais het daarop gewys dat die ANC-leier, pres. Jacob Zuma, ‘n aantal Afrikanerorganisasies, waaronder TLU SA, genooi het na ‘n gesprek met hom eerskomende Donderdag. “TLU SA sal hierdie geleentheid wat mnr. Zuma geskep het, gebruik om hierdie saak op die tafel te plaas, en mnr. Zuma te dwing tot ‘n uitspraak en optrede rakende Malema se opruiende uitlatings. Mnr. Zuma se antwoord en beoogde optrede sal dan ‘n aanduiding wees vir die boere, die land en die wêreld wat van die ANC in die toekoms verwag kan word. TLU SA hou in so ‘n geval alle opsies oop om sy strategie daarvolgens te rig,” sê mnr. Marais. |
|
|
Grondeiesehof uitspraak verwelkom |
|
|
|
|
Geskryf deur Administrator
|
|
Woensdag, 24 Februarie 2010 12:55 |
TLU SA is verheug oor die uitspraak van die Grondeisehof in Johannesburg, waarvolgens die Baphiring-stam se eis om grond in die Koster-distrik van die hand gewys is.
“Dit is verblydend dat die hof voedselsekerheid in ag geneem het, bo politieke oorwegings en TLU SA sien daarna uit dat onafgehandelde grondeise, voortaan ook op streng ekonomiese basis afgehandel sal word,” sê die President van TLU SA, mnr. Ben Marais.
“Ons het ook deeglik kennis geneem van die getuienis van ‘n amptenaar van die plaaslike grondeise kommissaris dat die 330 hervestigingsprojekte onder sy bestuur almal mislukkings is. Ons hoop net dat die amptenaar nie nou moeilikheid gaan kry omdat hy die waarheid geopenbaar het nie, maar dit is noodsaaklik dat hiervan kennis geneem word, want dit bevestig TLU SA se lank verklaarde standpunt dat dit roekeloos is om met grondhervorming voort te gaan as die projekte misluk en produserende plase uit produksie gehaal word ter wille van politieke doelwitte met ‘n rassistiese ondertoon,” sê mnr. Marais.
Mnr. Marais het ook gevra dat reeds afgehandelde eise, in die lig van hierdie uitspraak, weer ondersoek moet word om seker te maak dat daar nie ook gevalle is waar grond aan gemeenskappe of individue oorhandig is, terwyl hulle in die verlede ook reeds kompensasie gekry het, soos wat die geval was met die Baphiring-stam wat reeds voorheen vergoed is nie. “Die staat kan dalk op grond daarvan heelwat geld terugkry en dit dan eerder stort in suksesvolle hervestigingsprojekte, indien hy nie daardie grond aan die laaste kommersiële boere sou wou teruggee nie.” |
|
Geskryf deur Administrator
|
|
Maandag, 22 Februarie 2010 16:26 |
|
Die Forum op hierdie webwerf, is nou in volle bedryf. Alle elektroniese haakplekke en groeipyne is nou hopenlik uitgestryk, wat beteken dat die gesprekvoering op die Forum kan begin.
Enkele onderwerpe word reeds daar aangespreek, en reaksie en gesprek daaroor word verwelkom. Enige ander sake wat bespreking verlang, kan daar geopper word, en kundiges kan selfs landbou vrae help oplos.
Onder die Hoof Kieslys hier langsaan, kan die Forum-skakel gekies word. Dit is egter belangrik om net te registreer, verkieslik onder u werklike eie naam.
Lekker gesels! |
|
|
Elektrisiteitsverhoging verwerp, "ontbind NERSA" |
|
|
|
|
Geskryf deur Administrator
|
|
Woensdag, 24 Februarie 2010 12:54 |
Die onmiddellike verhoging van 24,8% wat Nersa goedgekeur het vir die verhoging van elektrisiteit, word betreur, en dit is duidelik dat slegs na die belange van Eskom gekyk is, maar nie na die belange van die verbruiker en ook die boer nie.
Mnr. Ben Marais, President van TLU SA, sê dat dit van die begin af duidelik was dat Eskom sy sin sou kry. Die feit dat daar nie ‘n 35% verhoging goedgekeur is nie, maar “slegs” ‘n verhoging van 24,8%, is sielkundige bedrog en geensins ‘n verligting nie. “Tydens die sogenaamde openbare voorleggings oor die verhoging, het NERSA sy bes gedoen om belanghebbendes met geldige besware, te weerhou om hulle voorleggings te maak, en hulle het geskuil agter kleinlike administratiewe reëlings, ondersteun deur patetiese kommunikasie, om mondelingse getuies te weer. TLU SA het by herhaling aangedui dat hy voorleggings wil maak, maar in meerdere gevalle het hierdie swak prosesse verhinder dat TLU SA sy standpunt kon stel. Vir alle praktiese doeleindes is boerdery se standpunt dus nie aangehoor nie. Ons het rede om te vermoed dat ander bedrywe met dieselfde frustrasie te make gehad het,” sê mnr. Marais.
Mnr. Marais wys vêrder daarop dat die verhoging bo die inflasiekoers is, en dat dit vêrdere inflasie gaan stimuleer. “Vir die boere is hierdie verhoging deel van ‘n byna ondraaglike pakkie verhogings: 24,8% vir elektrisiteit, 25,5 sent per liter bykomende brandstofheffing, en ook ‘n verhoging van tolgelde vanaf 1 Maart, wat boere swaar raak as hulle produkte na die markte wil neem, want alternatiewe paaie is as gevolg van verval onbegaanbaar.
“Dit was uit die begrotingsrede reeds duidelik dat die regering bewus was van NERSA se verhoging, en die feit dat die minister nog voor die bekendmaking aangedui het dat die regering mense sal help om die verhoging te hanteer, dui daarop dat, ten spyte van wat gesê word, die regering bewus was van die verhoging en dit aanvaar het, ongeag die rampspoedige ekonomiese gevolge. Trouens, dit wil voorkom of die bedrag wat in die begroting vir Eskom bewillig is, nie by hierdie besluit in berekening gebring is nie.”
Mnr. Marais het ‘n beroep op die regering gedoen om NERSA te ontbind. “Dié instansie is heel duidelik net ‘n rubberstempel van Eskom se belange. Die openbare verhore oor die tariefverhogings was ‘n klug, en daar kan waarskynlik baie kosbare geld gespaar word deur NERSA eenvoudig te ontbind, omdat hy geensins aan enige verwagtings voldoen nie.” |
|
Begroting in diepte ontleed |
|
|
|
|
Geskryf deur Administrator
|
|
Maandag, 22 Februarie 2010 16:13 |
TLU SA se ekonomiese adviseur, prof. Koos de la Rey, het die onlangse begroting volledig bestudeer en ontleed, en die volgende kommentaar daaroor opgestel:
Algemeen:
As daar in die algemeen na die begroting gekyk word is die volgende punte van belang:
1. Die begroting is ‘n ekspansionistiese begroting soos wat ‘n mens tipies verwag gedurende ‘n ekonomiese afswaai, om die ekonomie weer aan die gang te kry.
2. Belastingskoerse is soos verwag nie verhoog nie. As dit verhoog sou gewees het, sou die ekonomiese groeikoers beslis laer gewees het as wat nou verwag word.
3. Die feit dat daar nou groot bedrae geld geleen gaan word om die begroting te maak klop, gaan die ekonomie stimuleer. Dit is egter ook so dat hierdie geleende geld, die rentelas gaan vergroot en in die toekoms terug betaal sal moet word. Ons gaan dus in die toekoms meer belasting moet betaal, of staatsbesteding sal ingekort moet word.
4. Die hoeveelheid geld wat geleen gaan word, gaan nie die appelkar omgooi nie, maar as die lenings van munisipaliteite hierby getel word, begin die rooi ligte flikker. Duidelikheid oor die gesondheid van staatskuld kan slegs gekry word as die totale munisipale skuld ook op die tafel kom.
5. Dit is bemoedigend dat infrastruktuur nou aandag begin kry. Die vraag is net hoe die program die hoeveelheid werk gaan skep wat die staat beoog? As hulle beplan om kruiwaens en pikke te gebruik om paaie reg te maak, gaan hierdie geld nie veel verrig nie. Die hele proses moet op ‘n ekonomiese basis gedoen word, en die nodige beheer oor die besteding moet in plek wees. Kwaliteit moet ook deurlopend gemonitor word.
6. Die bydrae wat Eskom uit die begroting kry, behoort Eskom te help om met baie kleiner verhogings as die 35% wat hulle versoek, oor die weg te kom. Die skenking los egter nie die probleme by Eskom op nie. Hulle groot probleem is te veel onbekwame bestuurders wat verminder en vervang moet word met bekwame goedkoper personeel. Op die onderste vlakke, behoort die werk met 1/3 van die huidige personeel hanteer te kan word. Dit is nou as die mense bestuur word. Daar moet onthou word dat Eskom ‘n staatsinstelling is. Eskom behoort as staat instansie nie toegelaat te word om sport te borg, of om skenkings aan politieke partye te maak nie, want dan beteken dit inderwaarheid dat belasting geld gebruik word om een politieke partye bo ‘n ander te bevoordeel. Wat verder pla, is dat Eskom se beplande kragstasies drie keer meer gaan kos as elders in die wêreld. Daar is ook sprake dat die ANC ‘n 40% belang het by hierdie ontwikkelings. As dit waar is, begin die ANC nou belasting geld gebruik om hulle self te befonds.
7. Die totale besteding vir die komende jaar is R907 biljoen, teenoor R841 vir die huidige jaar. ‘n Verhoging van 8%, wat buite die inflasie mikpunte van die regering is. Wat bekommer is die hoeveelheid geld wat aan welsyn gegee word. Ons het nou die stadium bereik dat kinders onder 18 totaal van die staat afhanklik begin raak. Dit beteken dat dit die goedkoopste land in die wêreld geword het om meer kinders te hê as wat jy kan bekostig. Die boodskap is duidelik, kry baie kinders, die staat sal betaal. Geen wonder dat mense nou hoor van mense met 20 kinders nie. Die VN se verslag dui daarop dat SA die nommer een welsyn staat geword het.
8. Die Staats mediese fonds, is ‘n ander klip wat in die pad van ‘n suksesvolle Suid Afrikaanse ekonomie geplaas word. Hierdie een is nie ‘n klip nie, dit is ‘n rots. Somme wys dat so ‘n stelsel die ekonomie op ‘n dalend pad behoort te plaas. Buitelanders wat die grense oor steek vir gratis mediese behandeling in Suid Afrika ontvang, veroorsaak dat die kwaliteit van mediese behandeling in Suid Afrika baie gedaal het.
Landbou:
1. Die hoeveelheid kommersiële landbouers in die land het die afgelope aantal jare gedaal van 80 000 tot 37 000. Dit het gebeur weens grondhervorming, diefstal wat buite beheer is, buitensporige landbou risiko, munisipale belastings, plaasmoorde ens. Dit het veroorsaak dat mense nie meer vertroue het in landbou nie. Die vertroue wat ontbreek, veroorsaak ook dat landbou besteding drasties gedaal het.
2. Die begroting het weer eens getoon dat die regering landbou en voedselsekerheid as vanselfsprekend aanvaar. Landbou het geen rol gespeel in of die president se toespraak of in dié van die minister van finansies nie.
3. Die besteding aan infrastruktuur op die platteland is gunstig vir die landbou. Dit kan die paaie dalk weer rybaar maak. Dit sal ook werk verskaf, wat diefstal kan laat afneem.
4. Die verskaffing van vigsmiddels kan ook help om opgeleide werkers langer in diens te hou. Dit gaan egter nie die vigs probleem bekamp nie.
5. Die verhoging in die brandstofprys, gaan landbou erg benadeel. As die beplande brandstof verhoging, saam met die beplande Eskom verhoging en die onbekostigbare eiendomsbelasting saam in berekening gebring word, kan baie boere net nie meer winsgewend boer nie. Die gevolg daarvan gaan wees dat voedselsekerheid iets van die verlede kan word. Die spiraal effek wat die minder landbouers op die ekonomie gaan uitoefen, kan ons op die Zimbabwe pad plaas.
6. Die sogenaamde groen belasting, is maar net nog ‘n melker wat die koeie se bietjie melk wil uitmelk om seker te maak dat as die kalf oorleef, hy nooit ‘n bees gaan word nie.
7. Die feit dat meer polisie manne aangestel gaan word en dat daar norme gestel is, behoort te help dat misdaad beter bestry kan word. Die vraag is of daar by die mikpunte uitgekom gaan word.
8. Die hoeveelheid arbeiders op plase behoort weens die te hoe lone en landbouers wat hulle grond verkoop, verder te daal.
Ander faktore wat ook in ag geneem behoort te word:
1. Die oorskot mielies gaan die mielie prys dalk laat daal tot so laag as R850 per ton. Baie boere gaan dit nie oorleef nie. Boere behoort mielies teen so ‘n prys, op te pot en eers volgende jaar te verkoop. Dit beteken min aanplantings hierdie jaar.
2. Vleispryse is nog steeds in ‘n styg fase. Die vleis tekort kan waarskynlik net met hoender en vark vleis aangevul word. Die laer mielieprys, behoort die produksie van hoender- en varkvleis te stimuleer.
3. Die waterkwaliteit in die land gaan verder versleg, wat besproeiing onder druk gaan plaas.
4. Daar behoort gewerk te word na ‘n sterker magsblok wat met die staat oor landbou onderhandel. Arbeiders wie se werk bedreig word, moet op een of ander wyse by onderhandelings met die staat betrek te word. |
|
|
|
|
|
|
JPAGE_CURRENT_OF_TOTAL |
|
|
|
|
|
|
