Internasionale skakeling

‘n Afvaardiging van die landbou-afdeling van die VSA Ambassade het op 2 April besoek afgelê by TLU SA.

Tydens hierdie besoek is aktuele landbou-aangeleenthede indringend bespreek.  Dit is baie duidelik dat die VSA administrasie baie goed ingelig is oor wêreldgebeure en dat daar ’n duidelike lyn getrek word oor wat is in belang van die VSA en wat nie. Die houding wat die Suid-Afrikaanse regering oor jare in die openbaar ten toon gestel het se invloed het duidelik ’n stempel afgedruk. Wanneer ’n land slegs aan die ontvangkant van voordele en toegifte is en dan hul gaan skaar by die openlike vyande van die donateur land is dit net logies dat daar iewers ’n versadigingspunt bereik sal word.

Ten nadeel van die inwoners van Suid-Afrika is al die verkeerde dinge deur die ANC-regering oor jare gedoen en betaal ons as inwoners nou die prys. Dit is duidelik dat ’n bakhand mentaliteit met slegs negatiewe teenprestasies nie langer geduld gaan word nie. Suid-Afrika se regering sal ernstig hand in eie boesem moet steek en bepaalde drastiese aanpassings moet maak in hul benadering teenoor ander lande en veral die VSA indien hul enigsins gunstige handelsvoordele in die toekoms wil kry. Verskeie aspekte was bespreek:

1. Die Onteieningswet en die impak daarvan op beleggersvertroue;
2. Rasgedrewe wette se impak op landbou;
3. Handel wedersyds en die hantering van tariewe wat billik moet wees met Agoa as vertrekpunt. Dit is gemeld dat daar binnekort ’n aankondiging gaan kom in die verband;
4. Die impak van die liedjie “Kill the Boer” en die grondwethof wat nie eers argumente wou aanhoor nie oor ’n haatspraak saak;
5. Lande se posisionering in die wêreld arena;
6. Landbou finansiering;
7. Die VSA se rol in die daarstel van genetika in die veebedryf;
8. Die impak van misdaad en veral veediefstal en produkdiefstal;
9. Plaasaanvalle en plaasmoorde;
10. Uitreik na Afrikaners om na die VSA te gaan – volledige kriteria is versoek sodat ingeligte besluite geneem kan word.

Daar is ooreengekom dat soos die behoefte ontstaan daar in die toekoms verdere skakeling sal plaasvind.

Eiendombelasting en my rol as grondeienaar

Eiendombelasting is ‘n gegewe wat ons almal as grondeienaars raak. As jy eiendom besit, is dit van toepassing op so ‘n eienaar. Hierdie is een van die vereistes op ‘n grondeienaar wat in baie gevalle nie veel aandag verkry nie, maar tog so ‘n belangrike rol kan speel in die dag tot dag aktiwiteite van ‘n grondeienaar. Hiermee net ‘n paar punte om in gedagte te hou

Lees meer.

Staatskoerant

Ter kennisname en gebruik waar van toepassings, dokumente soos gepubliseer in die Staatskoerant Maart 2025.

Watersake:

1. National Water Act: Revised Pricing Strategy for Raw Water Use Charges G 52350 GeN 3079

 
Landbousake:

1. Marketing of Agricultural Products Act: Appointment to National Agricultural Marketing Council: Nominations invited G 52349 GoN 6030 - Comment by 14 Apr 2025
2. Agricultural Pests Act: Control Measures relating to Polyphagous Shot Hole Borer: Amendment G 52185 RG 11796 GoN 5908

 
Diere gesondheid

1. Animal Disease Act: Control measures relating to Foot and Mouth Disease G 52318 GoN 5997

 
Omgewingsake:

1. Climate Change Act: Commencement G 52319 P 251
2. Disaster Management Act: Classification of national disaster: Impact of severe weather in country G 52230 GoN 5968

 
Arbeidsake:

1. Compensation for Occupational Injuries and Diseases Act: Notice for confirmation of employer’s registration details forms G 52333 GeN 3060

 
Ander:

1. Spatial Planning and Land Use Management Act: Declaration of Eastern Escarpment, Mpumalanga as region G 52227 GeN 3031

TLU SA se Elektroniese Biblioteek is nou aktief!

TLU SA het pas ‘n eksklusiewe ledeportaal op ons webblad geloods – ‘n elektroniese biblioteek propvol saakmakende, praktiese en strategiese inligting vir jou as lid. Hier gaan jy beleide, riglyne, dokumente, en selfs toegang tot ons mediabiblioteek kry – alles op een plek.

Só kry jy toegang:
Jy moet ‘n geregistreerde lid van TLU SA wees. Meld aan met die e-posadres waarop jy ons kommunikasie ontvang. Skep dan ‘n wagwoord – en siedaar – jy het toegang tot ‘n wêreld van kennis en hulpmiddels wat net vir ons lede beskikbaar is.

Ons brei die biblioteek voortdurend uit soos nuwe inligting beskikbaar raak, so loer gereeld in en bly op hoogte sodat jy ingeligte besluite vir jou plaas en toekoms kan neem.

Besoek nou: www.tlu.co.za

Veldbrande

Voortydige kennis en voorbereiding vir die brandseisoen is van kardinale belang gegewe die baie brandbare materiaal wat tans na die wonderlike reën orals ervaar word. TLU SA bied op 2 Mei 2025 ‘n elektroniese werkswinkel aan waar praktiese wenke gedeel sal word, en die skakel sal ook na afloop van die werkswinkel beskikbaar wees vir diegene wat nie die werkswinkel kon bywoon nie. Voorsorg in hierdie verband kan help om onnodige skade te ervaar.



Komitees

Ons onderskeie komitees se rol word al hoe belangriker ten einde die nodige nagevorsde inligting aan die UK beskikbaar te stel om TLU SA se lede van goeie advies te voorsien. Lede kan van grondvlak af betrokke raak en help om die dinamika by komitees te verbeter.

Lede kan volgens belangstelling inskakel by:
•           Eiendomsreg komitee
•           Plaaslike regering
•           Arbeid
•           Veiligheid
•           Ekonomiese sake
•           Omgewingsake
•           Onderwys en kultuur
•           Jongboere

Wat verstaan die ANC nie?

Nuwe konsep-vuurwapenregulasies: ‘n ernstige bedreiging vir veiligheid

TLU SA Sentraal hou suksesvolle konferensie

BTW | Verligting, maar die kernprobleem bly onaangeraak