|
|||||||||||||||||||||
|
|||||||||||||||||||||
|
|||||||||||||||||||||
|
Voorligtingsdienste moet relevant en betroubaar wees TLU SA het van 11 tot 13 Augustus ’n werkswinkel oor landbouvoorligting in Stellenbosch bygewoon. Produsente moet egter besef dat toegang tot die jongste inligting en tegnologie nie noodwendig deur die departementele voorligtingsdiens gebied sal word nie. Groot hoeveelhede inligting word vandag vrylik versprei, maar nie alles is behoorlik nagevors of op betroubare data gegrond nie. KragDag gaan van krag tot krag TLU SA se betrokkenheid by die jaarlikse KragDag is reeds oor ’n geruime tyd sterk gevestig. Die boodskap wat KragDag uitdra, is toekomsgerig en plaas die fokus op hoe ons self verantwoordelikheid kan neem om ’n volhoubare toekoms te skep. TLU SA was vanjaar nou betrokke by die reëlings van die gesprekke wat in die Skouring plaasgevind het. Verskeie interessante onderwerpe is bespreek en uiteenlopende perspektiewe en praktiese inligting is met besoekers gedeel. TLU SA se stalletjie het ook heelwat besoekers gelok en waardevolle gesprekke met lede, produsente en ander belangstellendes moontlik gemaak. Die terugvoer oor KragDag was besonder positief. Dit is duidelik dat die geleentheid jaarliks van krag tot krag groei en steeds ’n belangrike platform vir selfstandigheid, innovasie en toekomsgerigte denke bied. Die twintig-tagtig-siening Daar word gereeld beweer dat 20% van Suid-Afrika se boere 80% van die land se voedsel produseer. Dié stelling kan maklik die indruk skep dat die oorblywende 80% van produsente, wat na bewering slegs 20% van die voedsel produseer, nie werklik belangrik is nie. Dit is ’n siening wat moeilik aanvaar kan word. Enige persoon wat deur die land reis, sien deurlopend landbouproduksie. Op die oog af vind hierdie produksie dikwels op dieselfde vlak en met dieselfde toewyding plaas, ongeag die grootte van die boerdery. Die gesamentlike bydrae van kleiner produsente mag op geen wyse geringgeskat word nie. Hulle dra nie net tot voedselproduksie by nie, maar speel ook ’n belangrike rol in die vestiging en instandhouding van landelike ekonomieë. Hulle skep werk en ondersteun skole, kerke, plaaslike ondernemings en gemeenskapslewe. Elke produsent en elke TLU SA-lid se bydrae word hoog geag. Dit is juis die kollektiewe inset van produsente regoor die land wat daartoe bydra dat landbou leef, groei en ook op nasionale vlak ’n onmisbare rol vervul. Kongres 2026 Presidentsrede: Begrond. Beskerm. Bewaar. TLU SA-president Henry Geldenhuys het tydens die 2026-kongres beklemtoon dat die tema, “Landbou: Begrond. Beskerm. Bewaar.”, veel meer as net drie woorde is – dit is ’n opdrag aan elke lid en produsent. Hy het lede aangemoedig om aktief by TLU SA se strukture betrokke te bly, aangesien die organisasie se stem en invloed deur sy lede versterk word. “Ons kan nie van ander verwag om dit wat vir ons kosbaar is te beskerm indien ons self onbetrokke bly nie.” Geldenhuys het ook ’n sterk boodskap aan produsente gerig: “Hou aan boer. Hou aan produseer. Hou aan bou.” Hoewel die omstandighede uitdagend is, bly boere se werk noodsaaklik vir Suid-Afrika se voedselsekerheid, ekonomie en landelike gemeenskappe. “Begrond beteken dat ons weet waarop ons staan. Beskerm beteken dat ons bereid is om daarvoor op te tree. Bewaar beteken dat ons verder kyk as ons eie leeftyd.”
Boeregroete |
|||||||||||||||||||||
|
|||||||||||||||||||||
TLU SA-kongres en dinee plaas landbou en sy mense voorop Boere se veiligheid, die toekoms van voedselproduksie en erkenning aan landboupresteerders het op 2 September saamgekom tydens TLU SA se jaarlikse kongres en dinee in Pretoria. Onder die tema “Landbou: Begrond. Beskerm. Bewaar.” het die kongres gefokus op ons Christelike begronding, die beskerming van boere en eiendomsreg, en die verantwoordelike bestuur van grond en water. Die paneelgesprekke het die behoefte aan beter polisiëring, staatsaanspreeklikheid en ’n omgewing waarin boere winsgewend kan produseer, beklemtoon. Landbouminister Willie Aucamp het sy bereidwilligheid tot samewerking uitgespreek, terwyl Rob Hersov landbou se groeipotensiaal uitgelig het. TLU SA-president Henry Geldenhuys het die verband tussen winsgewende boerdery en voedselsekerheid beklemtoon. Die jongboervisie het hierby aangesluit met ’n fokus op kennisdeling, tegnologie en innovasie om die volgende geslag produsente toe te rus. Lees meer oor die kongresbesprekings en kernboodskappe. Die aand se kongresdinee het geleentheid gebied om jong talent, besondere prestasies en jarelange diens te vier. Bertus Joubert is as Jongboer van die Jaar aangewys, met Gerhard Heinlein tweede en Marissa Solms derde. Joubert se pryse sluit die gebruik van ’n BYD Shark-inprophibriedbakkie van Hatfield Motor Group vir twaalf maande en ’n tegnologieborgskap van SmarTime en iNspexia in. Jurgens Koen is as Jeugboer van die Jaar vereer. Wannie Scribante het die Nico Kilian-trofee ontvang, terwyl Tom Moodie met erelidmaatskap vir sy jarelange diens vereer is. Presidentstoekennings is toegeken aan Louwrens Mahoney, Carlo Smuts, Ruan Jordaan en Henry Lubbe vir die Coast to Coast 4 Farmers-inisiatief, asook aan dr. Danie Odendaal en dr. Faffa Malan. Wykus Lamprecht is erken vir sy wenpampoen van 653 kg in die Goliat van Gat Pampoenkompetisie. Baie geluk aan elke ontvanger en dankie vir die bydrae wat julle tot landbou en ons organisasie lewer. Lees meer oor die toekennings en pryswenners. Skenkings versterk TLU SA se werk TLU SA spreek sy opregte dank uit teenoor Balfour BU, Lichtenburg DLU en Suikerbos DLU vir hul ruim skenkings van onderskeidelik R50 000, R12 000 en R150 000; ’n gesamentlike bydrae van R212 000. Hierdie ondersteuning getuig van vertroue in TLU SA en stel die organisasie in staat om voort te gaan om die belange van sy lede en die breër landbougemeenskap te bevorder en te beskerm. In ’n uitdagende landbou-omgewing is dit besonder waardevol wanneer landbougemeenskappe saamstaan en TLU SA se werk op ’n tasbare manier ondersteun. Baie dankie aan die besture en lede van hierdie landbou-unies vir hul ruimhartigheid, lojaliteit en vertroue in TLU SA. TLU SA Limpopo dra groete oor by Agri Limpopo se Kongres Wilma Prinsloo, waarnemende streekbestuurder van TLU SA Limpopo, het namens die organisasie ’n groeteboodskap tydens Agri Limpopo se Kongres gelewer. Sy het beklemtoon dat dit belangrik is dat georganiseerde landbou saam om dieselfde tafel sit en, waar nodig, saam aan die wa trek. Wanneer landbouorganisasies saamstaan, is hulle sterker en beter toegerus om hul gemeenskaplike doel te bereik: om landbou te versterk en produsente se toekoms te help verseker. “As jy nie saam om die tafel sit nie, word jy deel van die spyskaart,” het sy gewaarsku. Sy het kongresgangers goeie gesprekke, nuwe idees en waardevolle pitkos vir die verstand, die hart en die toekoms van landbou toegewens. Namens TLU SA Limpopo het sy Agri Limpopo ’n suksesvolle Kongres toegewens en die hoop uitgespreek dat landbouorganisasies saam sal aanhou bou aan ’n sterk en volhoubare landbousektor, met produsente eerste en met vaste geloof en vertroue in God Drie-enig. Jongboer-gholfdag ’n reuse-sukses TLU SA se Jongboer-gholfdag was ’n reuse-sukses en het deelnemers, ondersteuners, borge en sakevennote in ’n aangename en ontspanne omgewing saamgebring. Die ondersteuning van borge maak dit moontlik om geleenthede soos hierdie aan te bied en terselfdertyd erkenning aan jong produsente en die volgende geslag landbouleiers te gee. TLU SA bedank graag die volgende borge vir hul waardevolle ondersteuning:
Baie dankie aan elke borg, deelnemer en ondersteuner wat tot die sukses van die dag bygedra het. Julle betrokkenheid en ondersteuning van TLU SA se jongboere word opreg waardeer. |
|||||||||||||||||||||
|
|||||||||||||||||||||
|
|||||||||||||||||||||
|
|||||||||||||||||||||
|
|||||||||||||||||||||
|
|||||||||||||||||||||
TLU SA op pad na NAMPO Kaap NAMPO Kaap is om die draai en TLU SA sien daarna uit om weer deel van dié belangrike landbougeleentheid te wees. Die geleentheid bied ’n waardevolle platform om met produsente, lede, landbouvennote en ander belanghebbendes in gesprek te tree. Besoekers sal ook die geleentheid kry om meer oor TLU SA se werk, standpunte en ondersteuning aan produsente te hoor. Indien jy NAMPO Kaap bywoon, kom maak gerus by TLU SA se stalletjie ’n draai. Hou TLU SA se kommunikasiekanale dop vir verdere inligting en die ligging van die stalletjie. Eiendomsregkonferensie in Bredasdorp TLU SA se Eiendomsregkonferensie vind op die aand van 9 September 2026 by Pitstop@Marino in Bredasdorp plaas. Die konferensie bied ’n geleentheid vir ’n noodsaaklike gesprek oor eiendomsreg en die invloed daarvan op landbou, belegging, ekonomiese sekerheid en produsente se toekoms. Die konferensiegedeelte begin om 18:30 en kan gratis bygewoon word. Vanaf 19:30 volg verdere vermaak met ’n optrede deur Veldblom. Toegang tot die aandprogram beloop R100 per persoon, terwyl ete teen R150 per persoon beskikbaar is. Kom luister, neem deel aan die gesprek en kuier daarna saam. Teken die datum aan vir die Goliat van Gat Pampoenfees Die Goliat van Gat Pampoenfees vind op 13 Maart 2027 by Lavender Kontrei Mark in Pretoria plaas. Begin nou plant en kyk of jy die volgende Goliat van Gat kan kweek! Vir navrae en pitte, kontak Henri Combrink by 082 552 9428. | |||||||||||||||||||||
|
|||||||||||||||||||||
|
|||||||||||||||||||||
| Die vesting vir die kommersiële boer in Suid-Afrika - TLU SA | |||||||||||||||||||||
|
|||||||||||||||||||||
