|
|||||||||||||||||||||
|
|||||||||||||||||||||
|
|||||||||||||||||||||
Dit was vir TLU SA ‘n groot voorreg om by Nampo Kaap teenwoordig te wees met ‘n stalletjie en verskeie skakelgeleenthede. Ons het waardevolle gesprekke gevoer met boere en ander belanghebbendes, en die positiewe reaksie op TLU SA se boodskap het ons diep getref. Baie mense het by on stalletjie gestop en eenvoudig gesê: “Dankie, TLU SA, dat julle keer op keer die regte ekonomiese beginsels na die tafel bring in die belang van landbou.” Ons het ook die geleentheid gehad om onderhoude op Caledon FM en Radio Overberg te voer, met baie goeie terugvoer en moontlike samewerkingsgeleenthede wat tans in gesprek is. Hierdie ervaring het ons weer herinner aan hoe belangrik kommunikasie is om ons boodskap uit te dra. ‘n Spesiale dank aan Boermedia en ander joernaliste, wat ons landbouboodskap altyd professioneel uitdra. Ons is dankbaar dat TLU SA se boodskap suiwer en korrek versprei word en gehoor word. Boeregroete |
|||||||||||||||||||||
 |
|||||||||||||||||||||
|
|||||||||||||||||||||
 |
|||||||||||||||||||||
TLU SA Hoofkantoor Internasionale samewerking versterk landelike veiligheid TLU SA was trots om deel te wees van die Suid-Afrikaanse besoek van Speurhoofinspekteur Cameron Whiteside van die New South Wales Polisie, wat kennis en ervaring oor landelike misdaadvoorkoming met plaaslike boere en die SAPD gedeel het. Whiteside het TLU se hoofkantoor besoek, waar hy saam met Willie Clack, Bennie van Zyl, dr. Gawie Lotter en Henri Combrink gesels het oor landelike veiligheid. Henri het ook gesprekke met Whiteside gevoer tydens besoeke aan Cullinan en omliggende landelike gebiede. Die besoek beklemtoon die belangrikheid van samewerking tussen boere, gemeenskappe en wetstoepassers, en hoe kennisdeling internasionaal kan help om landelike misdaad effektief te bekamp. TLU SA se betrokkenheid wys dat plaaslike landbouleiers nie net die wet ondersteun nie, maar ook kulturele en sosiale realiteite in landelike gemeenskappe verstaan. TLU SA Oosstreek TLU SA verwelkom samewerking in groot ondersoek na onwettige jag TLU SA bevestig dat ‘n groot ondersoek na onwettige jag met honde op 21 September 2025 suksesvol deur plaaslike boere, die Ermelo SAPD, die SAPD Veediefstaleenheid en die Dierebeskermingsvereniging (DBV/SPCA) saam uitgevoer is. Die ondersoek het gelei tot die inhegtenisneming van 24 verdagtes, sowel as die beslaglegging van 50 honde en verskeie voertuie wat by die onwettige jag gebruik is. “Hierdie suksesvolle ondersoek wys hoe samewerking tussen boere, wetstoepassers en dierebeskermingsorganisasies ‘n groot verskil kan maak,” sê Ronnie Schilling, TLU SA Oosstreek Streekbestuurder. Hy beklemtoon dat dit ‘n belangrike herinnering is dat alle jagaktiwiteite binne die wet moet plaasvind en dat strukture, kennis en prosedures noodsaaklik is. TLU SA roep plaaslike gemeenskappe op om verantwoordelik op te tree en altyd seker te maak dat jagaktiwiteite volgens die wet gebeur. TLU SA Vrystaat TLU SA Vrystaat se konstruktiewe betrokkenheid ter ondersteuning van volhoubare
winsgewendheid in veilige landbou-omgewings noop betrokkenheid by die behoeftes van landbouers in die provinsie. Verskeie prioriteite was op die betrokkenheidslys die afgelope maand. Die versuim van munisipale owerhede om hul grondwetlike Die gesprekke met munisipale owerhede sal eerstens fokus op rondlopervee wat die moontlikhede van oordraagbare veesiektes verhoog en aangrensende landbougemeenskappe bedreig. Die verspreiding van bek-en-klouseer noop boere- unies en distrikslandbou-unies om in gesprek te tree met munisipaliteite wat meentgronde aan veeboere beskikbaar stel. Meentgronde is meestal nie omhein nie en vee wei in talle gevalle sonder effektiewe beheer oor nasionale paaie. Die risiko’s van padongelukke en meegaande aanspreeklikheid van munisipale owerhede sal tydens gesprekke met munisipale bestuurders beklemtoon word. Tweedens het oorlas deur rondlopervee in munisipale gebiede ʼn groeiende probleem geword. Die grondwetlike verpligtinge wat in hierdie verband op munisipaliteite rus, word na die mening van TLU SA nie voldoende nagekom nie. In verskeie Vrystaatse dorpe het die probleem dermate toegeneem dat gesprek hieroor dringend noodsaaklik geword het. Voorts is bevordering van gesonde verhoudinge met plaaslike owerhede hoog op die prioriteitslys van kommunikasie met munisipale bestuurders. Met die brandseisoen wat tans nog in swang is, is wegholbrande wat op meentgrond ontstaan van die belangrikste kwessies wat met plaaslike owerhede opgeneem word. |
|||||||||||||||||||||
 |
|||||||||||||||||||||
|
|||||||||||||||||||||
 |
|||||||||||||||||||||
|
|||||||||||||||||||||
 |
|||||||||||||||||||||
Kleiduifskiet-uitnodiging (31 Oktober 2025) Inskrywingsvorm: https://docs.google.com/forms/d/e/1FAIpQLSdJxiUgLNEggXIvF08VRaRh1o7ltBdZ4FseNeyxfN9L-E8ffA/viewform
| |||||||||||||||||||||
 |
|||||||||||||||||||||
|
|||||||||||||||||||||
| Die vesting vir die kommersiële boer in Suid-Afrika - TLU SA | |||||||||||||||||||||
   
|
|||||||||||||||||||||
