|
||||||
|
||||||
|
||||||
|
Beste lid Die Bek-en-klouseer-uitbrekings wat ons land se veeboerdery tans raak, is ’n uitdaging wat geen boer ongeroerd laat nie. Die ware impak strek veel verder as net ’n veeartsenykundige siekte, dit raak die ekonomie van plattelandse gemeenskappe, kontantvloei vir produsente, marktoegang en selfs voedselsekerheid. As iemand wat deur landbouminister Steenhuisen aangewys is om op die BKS-koördineringsraad te dien, sien ek elke dag hoe intens en kompleks die situasie is. Ons werk nou binne strukture wat geskep is om praktiese oplossings op die tafel te sit en dit vereis dat ons nie net kritiek gee nie, maar ook betrokke raak, konstruktief werk en die proses dryf om ‘n uitkoms in belang van die sektor te verkry. Daar is ‘n driehoek gevestig tussen die ministerie, taakspan (wat staats- en privaatveeartse insluit) en die koördineringsraad (wat die landbousektor verteenwoordig) en is dit ons uitdaging om daarbinne te belyn. Ja, die krisis het reeds finansiële spanning in die sektor veroorsaak. Maar ons moet fokus op wat ons saam kan bereik: verantwoordelike bio-sekuriteitsmaatreëls, toegang tot entstowwe wat relevant is vir die stamme wat ons hier het, en ’n regulatoriese omgewing wat die betrokkenheid van kundiges en die privaat sektor moontlik maak. In die verband is daar reeds ‘n seksie 10 aansoek deur die koördineringsraad ingedien wat die privaat veeartse en hul onderbou moet kan betrek. Die invoer van entstowwe word goedgekeur by SAHPRA wat deel is van Departement Gesondheid. Daar is ook met finansiële instellings geraadpleeg oor die kontantvloei krisis wat reeds vir baie boere by perke verby gegaan het. Die banke het groot begrip en is bereid om soos moontlik te help, maar is die benadering soos ons nog altyd deurgegee het naamlik dat ‘n boer self betyds met hulle in gesprek moet tree. Moenie wag tot die eerste paaiement nie meer betaal kan word nie. Ek doen ’n beroep op elke lede om te onthou dat verandering en oplossings nie skielik gebeur nie, dit ontstaan uit samewerking, geduld en ’n volgehoue, goed ingeligte insette. Dit is maklik om in frustrasie vas te val, maar dit is deur deel te neem aan die proses, terugvoer te gee en die BKS-koördineringsraad ’n billike kans te gee om regtig resultate te lewer, wat ons die beste kans gee om hierdie krisis te oorkom. Mag ons positief bly en onthou: ons boerderygemeenskap het deur moeilike tye gewerk en dit weer sal doen. Deur gesamentlike inspanning kan ons nie net hierdie krisis hanteer nie, maar ook leer om ons landbou se volhoubaarheid vir die toekoms te versterk. Lees ook: Bennie van Zyl: Bek-en-klou is nie net boere se krisis – jý gaan ook betaal
Boeregroete |
||||||
|
||||||
|
||||||
|
||||||
|
Nuus uit die Vrystaat Wisselende reënvalpatrone, veldbrande en buitengewone hoë reënvalneerslae het ‘n groot effek op plantverspreiding in landboustreke in Suid-Afrika. Met kommer neem TLU SA Vrystaat kennis van skerp toenames in indringerspesies in die provinsie, die agteruitgang van weiding en die negatiewe impak wat abnormale plantverspreiding op goeie kwaliteit weiding kan hê. TLU SA Vrystaat doen ‘n dringende beroep op die Departement van Landbou en ander staatsdepartemente om nie slegs kennis van hierdie tendense te neem nie, maar om aktiewe leiding te neem om tydig stappe ter beskerming van landbouhulpbronne in die provinsie en elders in Suid-Afrikaanse landbougebiede te implementeer. Bedreiging van goeie kwaliteit weiding deur indringerspesies is nie tot die Vrystaat beperk nie en vervoer van diere en verspreiding deur voëls dra ook tot agteruitgang van goeie weiding by. Bosveldgebiede in die RSA beslaan nagenoeg 21 miljoen ha.
Oor bykans die helfte van hierdie oppervlakte het die
natuurlike bos sodanig verdig dat dit grasproduksie en
gevolglik diereproduksie onderdruk. Die belangrikste
indringerspesies is Acacia mellifera var detines (Swarthaak),
Acacia karoo (Soetdoring), A. Tortilis (Haak-en-steek) en
Dichrostachys cinerea (Sekelbos). Bosverdigting het in sommige
dele reeds sodanige afmetings aangeneem dat dit nie met
biologiese middele alleen bekamp sal kan word nie en dat
toediening van chemiese en meganiese metodes deel van
toekomstige boerderypraktyke sal moet uitmaak. In meeste van
die bergopvanggebiede van Suidwes-Kaapland, die Karoo en
Oos-Kaapland is groot dele sodanig deur fynbosgroei ingedring
dat dit landboukundig onproduktief is en grootskaalse gevare
van gronderosie inhou. Gebruik van chemiese middele om die
bedekking na grasveld te verander dien om sowel die grond te
stabiliseer as om landbouproduksie te verhoog. Die
belangrikste indringerspesies is: Elytropappus rhinocerotis
(Rhenosterbos), Euryops (Harpius), Cliffortia linearitolia en
Erica Die belangrikste ongewenste soorte is: Aristidea spp., Eragrostis spp., Elyonurus argenteus, rendlia altera en Cymbopogon plurinodes. Die nadelige uitwerking van uitheemse plante en gifplante op weidingspotensiaal, word met kommer dopgehou. In hierdie verband is die volgende uitheemse plante in sommige gebiede reeds ʼn ernstige probleem: Opuntia aurentiaca (Litjieskaktus) wat reeds ongeveer 1 800 000 ha in die RSA besmet het, Acacia cyanophylla (Port Jackson), Hakea gibbosa, Acasia dealbata (Silwer wattle), Lantana comara, Prosopis juliflora, Stipa trichotoma (Nasellapolgras). Gifplante is in die meeste gevalle inheems en kom in feitlik alle veldsoorte en klimaatsgebiede voor. Van die belangrikste soorte is: Gousiekte (Paghystigma sp.), Gifblaar (Dichapetalum sp.), Stywesiekte (Crotolaria sp.) en Senecio spesies. TLU SA Vrystaat doen ‘n beroep op landbouers om tendense van weidingagteruitgang en indringerplante tydig onder die aandag van die Vrystaatse bestuur van TLU SA te bring sodat stappe ter bekamping van die probleme wat daaruit voortspruit geneem kan word. Nuus uit die Oosstreek Vir die Oosstreek, soos vir die meeste ander streke, het 2026 op ’n drafstap begin. Ná uitermatige reën in November en vroeg in Desember moes saaiboere selfs oor die Kerstyd in die lande wees om te spuit en bemesting toe te dien. In hierdie stadium lyk die meeste gesaaides goed, met uitsondering van ’n paar versuipte kolle. Die reën sal egter nou gou meer wydverspreid moet neersak om die volle potensiaal van die gewasse te verwesenlik. Tans val die reën baie kol-kol, met gekonsentreerde storms en selfs hael. Die Laeveld is moedeloos gereën, en boere in die Makhado-/Makedamia-omgewing is uiters bekommerd. Ten spyte hiervan is die veld pragtig en toon dit groot potensiaal. ’n Groot bron van kommer bly Bek-en-klouseer. Die gevoel van magteloosheid is soms oorweldigend, en boere kan op hierdie stadium net hoop dat georganiseerde landbou daarin sal slaag om die regering te oortuig om werklik na die boere se stem te luister. Die Oosstreek se streeksvergadering het op 27 Januarie in Ermelo plaasgevind. Die oorkonde wat tydens verlede jaar se TLU SA Kongres aan James Language toegeken is, is tydens die konferensie aan hom oorhandig.
|
||||||
|
||||||
|
||||||
|
||||||
|
||||||
|
||||||
|
20 Februarie | Landboukorrels Boerdag Cullinan
(Dieregesondheid) |
||||||
| Die vesting vir die kommersiële boer in Suid-Afrika - TLU SA | ||||||
|
||||||
