ONBEVOEGDHEID BY PLAASLIKE REGERING WORD MOONTLIK AANGESPREEK

Een van die grootste frustrasies vir die inwoner in enige gebied in SA sal beslis die feit wees dat swak, onbevoegde diens gelewer word deur die munisipaliteite wat wissel van bestuurslisensies, rekeninge, vullisverwydering, onderhoud en natuurlik die voldoende voorsiening van water aan inwoners.

Op 20 September 2022 het die Nasionale Skool vir Regering (National School of Government of NSG) bekend gemaak dat ’n projek begin word waaronder opleiding aangebied sal word met die teikenmark seniorbestuur vir die bekamping van anti-diskriminasie in die staatsdiens en bestuursprestasiekursus vir die middel bestuur. Die twee kursusse sal aanlyn aangebied word as deel van die projek om kennis en vaardigheid aan publieke dienaars te voorsien wat dienste lewer aan die publiek. Die hoof van die skool, Prof Busani Ngcaweni het gemeld dat alle senior bestuur die
kursus moet onderneem.

Lees meer hier

Ons is baie dankbaar dat die siekte beheer gebied in die Vrystaat verklein is en dat gesplete hoefdiere weer vrylik vervoer mag word. Die belangrikheid van ’n naspeurbaarheidstelsel onder vee is baie belangrik sodat soortgelyke afsluitings nie weer op dieselfde skaal plaasvind nie.

In Noordwes het ons die landelike veiligheids spitsberaad bygewoon en ons hoop van harte dat die landelike veiligheids plan nou geïmplementeer sal word. Ons boere sal al hoe meer na eie veiligheid moet omsien, des te meer in dele waar SAPD strukture en stasies nie funksioneer nie.

Die brande in Noordwes en die Noord-Kaap het groot behoefte tot gevolg. TLU SA is deel van die Manna vir die Boere groep, wat skenkings koördineer tussen verskeie organisasies. Vir enige voer of geldelike skenkings kan TLU SA gekontak word.

Veiligheid
Dit wil voorkom asof daar ’n hernude aanslag op ons boeregemeenskap in Oos- en Natalstreek is. Dit is van kardinale belang dat ons lede hul veiligheidsituasie op hul plase die nommereen-prioriteit moet maak. Ons kan dit net eenvoudig nie meer bekostig om nie elke oomblik nie 100% paraat te wees nie.

Padvervoer
Die situasie rondom pad vervoer in die Natalstreek en meer spesifiek Pongola-omgewing het totaal hand uit geruk. Die hantering van die situasie deur die owerhede is uiters power om die minste te sê.

Gewasse
In groot gedeeltes van  die Oos- en Natalstreek het daar reeds ’n somer reëntjie geval. Ons boere is dus besig met die plant van somer gewasse. 

Projekte 
Ons is opgewonde om te kan aankondig dat ons jaarlikse skiet-kompetisie weer op 26 November plaasvind. Groot pryse is op die spel en almal is welkom om in te skryf. Hou TLU SA se Facebook-blad dop vir die nodige inligting. U is ook welkom om my Ronnie Schilling Streeksbestuurder Oos en Natal te kontak by selfoonnommer 083 642 7230  vir enige navrae.