Die burgerregteinisiatief, AfriForum en die landbou-organisasie TLU-SA
gaan Maandag ‘n hofaansoek by die Noord-Gautengse Hooggeregshof in
Pretoria uitreik vir ‘n dringende interdik teen die ANC Jeugliga
president Julius Malema.

Die volg nadat Malema nie teen 16:00 vanmiddag voldoen het aan die
versoek van AfriForum en TLU-SA om ‘n onvoorwaardelike verskoning aan
te bied vir sy volgehoue gebruik van die omstrede struggle-liedjie
“Awudubule (i)bhunu” nie.

AfriForum-Jeug het reeds op 12 Maart ‘n klagte teen Malema by die
Gelykheidshof ingedien en Malema het reeds kennis van die klagte van
die Gelykheidshof gekry. Nogtans gaan Malema voort om die liedjie te
sing.

AfriForum en TLU-SA se prokureur, Willie Spies het gesê die doel van
die interdik is tweërlei. Aan die een kant is dit om die mense van
Suid-Afrika te beskerm teen Malema se haatspraak en aan die ander kant
is dit om Malema teen homself te beskerm, aangesien sy volgehoue
minagting van die hangende regsproses hom duur te staan kan kom.

Willie Spies
083-676-0639
en

Bennie van Zyl
082-466-4470