Mnr. Stephen Hoffman, voorsitter van TLU SA Noord, het gesê dat welkome neerslae oor groot dele van die Limpopo provinsie geval het en dat vaal bosveld vinnig besig is om in lower groen te verander.
DANKBAARHEID
Die boere is uiters dankbaar is vir die wonderlike reën wat ontvang is, want sonder hierdie kosbare gawe kan geen boerdery bestaan nie.
STATISTIEKE
Die volgende statistieke is deur die onderskeie Distrik Landbou-Unie kantore ingestuur vir die afgelope 7 dae:
- ELLISRAS DLU
Voorsitter: Mnr. Theuns Pretorius
Stockpoort – 40mm
Ellisras & Ellisras Suid – 30mm
Steenbokpan – 20mm
Daar is dele tussen in wat niks reën gekry het nie en is die boere baie bekommerd. Die reënseisoen is egter nog nie verby nie en bly hulle positief glo dat die reën wel sal kom.
- PIETERSBURG DLU
Voorsitter: Mnr. Stefan Jacobs
Transsand – 25mm – Weiding nog goed. Geen krisis op oomblik.
Legkraal – 50 tot 70mm
Bloedrivier – 30mm – Daar word gehoop vir nog reën om die ondergrondse watertafel te lig.
Dendron – 47mm – Baie droog in die area
Geen skade was aangemeld nie. Die grootste uitdaging is die onwettige damme wat in riviere gebou word en sodoende die vloei belemmer sodat baie boere geen water uit riviere kan onttrek nie. Die hoeveelheid ondergrondse water en water kwaliteit beïnvloed die aantal hektare wat aangeplant kan word.
- POTGIETERSRUS DLU
Voorsitter: Mnr. Ockert Scherman
Sterkfontein/Bokpoort omgewing – 50mm – Weiding lyk swak.
Sterkrivier/Doorndraaidam – 32mm
Roedtan/Crecy omgewing gemiddeld 50mm vir Januarie. Die boere is tans besig met nuwe aanplantings en die weiding en gesaaides lyk goed.
Die grond is goed nat op Ceres sowat 10 km vanaf Roedtan op die Naboomspruitpad. Die boere in daardie omgewing is baie positief oor die seisoen.
6 pale op die London Eskom lyn gebreek a.g.v. wind en op die Roedtanlyn is 4 pale gebreek
Nyl – 4mm. Baie warm en droog. Gras brand dood, weiding gaan ‘n probleem raak.
Immerpan omgewing – Dit is baie droog. Het gister 10mm gehad. Mielies kry baie swaar en ‘n gedeelte kan afgeskryf word. Hoop en vertrou op nog reën. Geen reën
Bokpoortlaagte – Roedtan/Immerpanomgewing – Geen reën
Roedtan, rigting Marble Hall – 38mm – weiding moet nog herstel, sommige kampe is bevredigend.
Rondebosch 10 km vanaf Potties op Naboomspruitpad – 15mm – baie droog
Wydehoek ± 50 km vanaf Potties op Markenpad – baie droog en geen reën
Warmbronnepad, Naboomspruit – 50mm
Rietfontein – Naboomspruitgebied – baie warm, 10 Jan 17mm, 11 Jan 2013 – 45mm
Singlewood – Edward Leversage – Nyl Roedtanomgewing – 52mm
Goedvoor – tussen Roedtan en Marble Hall – 50mm
Crecy – Bennie Genis 27 – 34mm, opvolgreën noodsaaklik, weiding swak
Lud Bodemer – Naboomgebied, 34mm
Hanglip Sterkrivier – 25mm, hael en toe weer op 11 Januarie 20mm en 14 Januarie 18mm
Tussen Naboomspruit en Potgietersrus tussen 30 en 95mm
Koelemansrus – 51mm
- KOEDOESRAND DLU
Voorsitter: Mnr. Danie Ehlers
Baltimore 30mm
Tolwe 20mm
Maasstroom 40mm
Tom Burke 40mm
Marken 15mm
Die weer lyk steeds belowend vir nog reën.
- SOUTPANSBERG DLU
Voorsitter: Mnr. Doors Le Roux
Louis Trichardt – 60mm
Linton – Geen
Levubu – 400mm
Alldays – 100mm – bietjie bekommerd oor tamatie plantjies.
Vivo – glimlag breed vir 60mm
Mopani – 130mm
Bandelierkop – 70 tot 120mm
Waterpoort – 100 tot 160mm
Louis Trichardt 284mm – Laaste 24 uur 168mm – baie welkom, baie lieflik, maar lietsjies wat nog geoes moet word bly agter.
Levubu – 360mm
Die boere se gemoed is op. Reëndruppels verf glimlagte op almal se gesigte.
- THABAZIMBI DLU
Voorsitter: Mnr. Jan Viljoen
Alhoewel dit die laaste twee dae bewolk is en temperatuur afgeneem het, het daar nog bitter min reën geval in die gebied. In party dele was daar nog geen reën nie. Die uiters hoë temperature van verlede week het baie skade aan weidings gedoen. Dringende reën is nodig vir die winter weiding. Vrydag 11 Januarie 2013 het Thabazimbi dorp ± 12mm gehad, maar net buite die dorp ± 7mm.
- VAALWATER DLU
Voorsitter: Mnr. Ben Mostert
Loubad – 15mm
Bulgerivier – 18mm
Melkrivier – 16mm
Groot haelskade op 27 Desember 2012 gehad in Groenfontein omgewing.. Mielies en tabak weggeslaan.
Die weer lyk steeds belowend vir nog reën.
- WATERBERG DLU
Voorsitter: Mnr. Jaco Bogaards
Gemiddeld van 10 to 12mm in opvangsgebied
Gebied vanaf Warmbad na Thabazimbi is baie droog. Die vlakte het ook baie min reën gehad en op sekere gebiede nog niks reën gehad nie.
Die weer lyk steeds belowend vir nog reën.








