James Rylaan 194, Silverton
(012) 804-8031
navrae@tlu.co.za
Lede / Vriende sake: ledesake@tlu.co.za
James Rylaan 194, Silverton
(012) 804-8031
navrae@tlu.co.za
Lede / Vriende sake: ledesake@tlu.co.za
Die toekoms van landbou lê in die hande van ons jeug. Met die “Plant vir die Toekoms”-projek wil TLU SA jong mense regoor Suid-Afrika inspireer om die wêreld van landbou te ontdek, selfs op ’n jong ouderdom. Laerskole word besoek en ontvang pakkies mieliepitte, saam met ’n kort, praktiese lesing oor hoe om hulle te plant en te versorg. Die projek kombineer leer en doen, en bied ’n hands-on ervaring wat nie net die basiese beginsels van landbou demonstreer nie, maar ook die waarde van volhoubare landboupraktyke beklemtoon.
Hierdie eenvoudige daad simboliseer groei, hoop en volhoubaarheid – kernwaardes van landbou – en dien as ’n herinnering dat die jeug van vandag die leiers en boere van môre is.
“Ons glo dat die jeug van vandag die toekoms van landbou en ons land vorm. Met ‘Plant vir die Toekoms’ wil ons nie net kennis deel nie, maar ook hoop en inspirasie plant – sodat hulle die waarde van landbou verstaan en selfs ’n passie vir die sektor ontwikkel. Hierdie projek is vir ons ’n manier om die volgende generasie aan te moedig om volhoubare landbou as ’n loopbaan en ’n lewenstyl te oorweeg.”
— Bennie van Zyl, Hoofbestuurder van TLU SA
Elke betrokke skool ontvang ’n pakkie van 50 mieliepitte.
TLU SA-verteenwoordigers verduidelik hoe die mielies geplant en versorg moet word, hoe die plantjies groei, en die belangrikheid van volhoubare boerdery.
Leerlinge plant en versorg hul eie mielies op die skoolgrond, en leer deur ervaring die waarde van verantwoordelike boerdery.
Hierdie bladsy sal voortdurend opgedateer word met opwindende inhoud van die veldtog:
Volg saam met ons: Sien hoe die saadjies ontkiem, hoe leerlinge leer en hoe die veldtog hoop vir die toekoms plant. Die projek is ’n lewende herinnering dat elke klein daad van betrokkenheid groot impak kan hê.
Die eerste skoolbesoek het Vrydagmiddag by Volkskool Bethal plaasgevind, waar die leerders met groot opgewondenheid hul pakkie mieliepitte ontvang het. “Dit was ’n absolute voorreg om op hierdie vlak met die kinders interaksie te kon hê,” sê Ronnie Schilling, TLU SA Oosstreek-bestuurder. “Die kinders het die aanbieding baie positief ontvang, en ons sien met verwagting uit na hulle vordering in hierdie projek.”
Die TLU SA Plant vir die Toekoms-projek het Woensdag 12 November by CVO Skool Carolina voortgesit. Ons besoek was weer ’n groot plesier, die personeel en leerders was ongelooflik ontvanklik en nuuskierig. Tydens die interaktiewe sessie het ons nie net oor mielies gepraat nie, maar ook avonture beleef met ystervarke en selfs ’n bietjie in die ekonomie en regering van die dag gedelf. Dit was besonders om te sien hoe breed leerders se kennis is, alles ingebed binne ’n sterk Christelike onderriggrondslag. Ons glo dat die saadjie wat vandag oorhandig is, nie net in die grond nie, maar ook in die kinders se leerraamwerk geplant is, en eendag ’n rol kan speel in voedselsekerheid.
Die tweede skoolbesoek het Vrydag 7 November by Dankbaar CVO-skool in Bloemfontein plaasgevind, waar die “Plant vir die Toekoms”-projek ook met die skool gedeel is. Die skoolhoof en skoolgemeenskap het die inisiatief met groot entoesiasme en dankbaarheid ontvang. Die besoek is gekenmerk deur ’n warm en positiewe atmosfeer, en die leerders het met opregte belangstelling geluister en deelgeneem. TLU SA waardeer die uitstekende ondersteuning van Dankbaar CVO-skool en sien uit na die groei wat hierdie projek, letterlik en figuurlik, in hul gemeenskap sal bring.
Enige lid/vriend wat deur Windscreen Master hul ruit laat vervang, kan dit op die plek van sy keuse laat doen. Windscreen Master hanteer ook die skakeling met die lid/vriend se makelaar/versekeraar asook die registrasie van die eis indien van toepassing.
Verco Energy lewer goedkoper diesel aan TLU SA affiliasies/lede/vriende in sekere afleweringsgebiede.
Spesiale aanbiedinge om kunsmis teen beter pryse aan te koop, slegs vir TLU SA-lede.
TLU SA se ooreenkoms met NBM bepbaal dat TLU SA affilliasies/lede/vriende afslag ontvang op verskeie versekeringsprodukte
Die LWO ondersteun boere as werkgewers in alle aspekte rakende arbeidsregwetgewing.
MarketVest maak gebruik van gevestigde, gekontrateerde groenkaart tegniese kontrakteurs regoor die land wat vinnig hulp kan verleen met aanbevelings en installasies. Vir elke suksesvolle afgehandelde installasie wat deur TLU SA na MarketVest verwys word, ontvang TLU SA ʼn verwysingfooi.
Firearms Guardian is ’n unieke korttermynversekeringspakket vir vuurwapeneienaars. Dit bied dekking teen regskostes en aanspreeklikheidseise, wat spruit uit selfverdediging, skiet-ongelukke, strafregterlike vervolging, jagtogte wat skeefloop, sportskiet-ongelukke, en vele meer.
Finco Finance ondersteun TLU SA-lede met finansiering by handelsbanke.
Die Pitkos is TLU SA se nuusbrief slegs vir lede. Hierin gee ons vir lede inligting oor die aksies waarby ons betrokke is, standpunte wat ons inneem, spesiale aanbiedinge wat vir lede beding is, opkomende geleenthede en waardevolle inligting soos aankondigings in die Staatskoerant wat op landbou betrekking het.
