Enige besigheid moet winsgewend bedryf word om volhoubaar te bly voortbestaan. Vir kommersiële boere het die ekonomiese volhoubaarheid van die boerdery ‘n verdere implikasie – wanneer ‘n boerdery vou, kan boere nie verder voedsel verskaf aan Suid-Afrikaners nie. Talle nuwe wette en regulasies het ‘n uiters negatiewe uitwerking op die landbousektor. In die meerderheid van gevalle, was hierdie nuwe maatreëls eensydig geïmplementeer sonder dat die landbousektor sinvolle insette kon lewer. TLU SA probeer sover en wyd as moontlik druk uitoefen en die boodskap oor die Suid-Afrikaanse regering se nie-volhoubare beleid ten opsigte van ‘n gesonde ekonomie versprei.