Vandag se landbouer met moderne boerderymetodes is ook, soos wat die kultuuropdrag in die Bybel bevestig, ’n bewaarder van God se skepping. As hierdie bewaring nie plaasvind nie, sal landboutoestande so verswak dat dit voedselsekerheid in gevaar sal stel. In ’n land soos Suid-Afrika, wat nie landbou-vriendelik is nie, sal dit katastrofies wees. Die behoud van natuurlike hulpbronne, wateraangeleenthede, myne en eksplorasie, bewaringslandbou, energie en infrastruktuur word alles bedreig deur kortsigtige en ideologies-gedrewe wetgewing. TLU SA sal voortgaan om as rentmeesters van ons grond enige regulasies of wetgewing teenstrydig met die bewaring van die skepping teen te staan.