Misdaad in Suid-Afrika is oral buite beheer, maar boere bly verafgeleë en is daarom meer kwesbaar vir aanvalle, wat gereeld ook baie meer gewelddadig is, as stadsbewoners. Die afskaffing van die kommandostelsel ten gunste van die sektorpolisiëringstelsel het boere se veiligheid verder bedreig. En intussen skep opruiende uitsprake van politici ‘n plofbare klimaat. TLU SA skyn gereeld die kollig op die SAPD se onvermoë om hulle wetlike pligte na te kom, die impak van misdaad op voedselsekerheid en die voorkoms van plaasaanvalle. TLU SA-lede is altyd gewillig om by te dra en inspraak te lewer oor hoe om landelike gebiede veiliger te maak.