Die Wet op Plaaslike Regering stel spesifieke regulasies waaraan munisipaliteite moet voldoen. Die impak van die nie-nakoming van hierdie regulasies het ‘n wesenlike negatiewe uitwerking op die ekonomiese volhoubaarheid van landbou. Dit is hierdie komitee se verantwoordelikheid om die wanbestuur van munisipaliteite uit te wys en oplossings voor te stel. Dit is egter ook ons verantwoordelikheid om Suid-Afrikaners in te lig oor hulle rol in ‘n effektiewe plaaslike regering.