Arbeid is vir ‘n boer een van die belangrikste elemente in die besigheid, maar Suid-Afrika se geskiedenis en gevolglike knellende arbeidswetgewing maak dit dikwels ‘n groot kopseer in die boerdery. Dit is veral die minimum loon en jaarlikse aanpassing daarvan wat die winsgewendheid van ‘n boerdery bedreig. TLU SA is daarom uitgesproke oor hierdie arbeidskwessies en bied vir lede raad oor die korrekte hantering daarvan, terwyl ons deur grondwetlike prosesse poog om die regering die futiliteit daarvan in te sien.