Elke plaas is ‘n besigheidsentiteit in sy eie reg en daar kan nie een stel reëls gemaak word wat almal sal pas nie. Ons beleef dat aartappelboere wat tans baie hande-arbeid benodig om die oes uit te haal, as gevolg van die higiëne maatreëls nie die arbeid geskuif kan kry nie. In die proses is hulle besig om hulle oes grootliks te verloor.
Daar word baie klem van buite gelê dat daar na die gesondheid van die arbeiders omgesien moet word. Dit is in elk geval in enige plaas se belang dat daar geen infeksies sal plaasvind nie en alles moontlik dus gedoen moet word om te keer dat enigiemand op die plaas geïnfekteer word.
Pas die higiëne maatreëls in belang van die voortsetting van die plaas as produserende entiteit, nougeset toe.
