Verlede maand het ons oorsigtelik gekyk na die beleggingsituasie en waarna om in die algemeen te kyk wanneer ons ‘n belegging wil maak.
Ons het vier globale sektore uitgewys as oorweging naamlik: Tegnologiese vooruitgang; Omgewing volhoubaarheid; Toekomstige gesondheidsorg; Nuwe-Era denke.
Hierdie maand wil ek fokus op die geleenthede wat TEGNOLOGIE bied in terme van beleggings. Verbeterde verbindinge en data lei tot masjien gedrewe insigte en moontlikhede wat die wyse waarop die mensdom handel transformeer. Met die jonger generasie se verhoogde gemak met die gebruik van tegnologie, sal nuwe besigheidsmodelle en -geleenthede ontvou. Die belegging in tegnologie fokus nie op die tradisionele groot maatskappye nie, maar wel op die moderne, gefokusde opkomende tegnologiese leiers van die toekoms.
Die gevorderde tegnologie ter sprake is: Digitale betaal meganismes; “Cloud-Based” sagteware; Kubersekuriteit; Internet.
Die kunsmatige intelligensie mark sal teen 2025 tot ’n $190 miljard industrie groei en dit sal goed wees om te deel in die ontsluiting van hierdie geleenthede.
Hier by TLU SA se Finansiële Welstand Lessenaar bied ons graag die inligting aan TLU SA lede en vriende om dan ingeligte beleggingsbesluite te kan neem.
Volgende maand ontleed ons Omgewing volhoubaarheid en waarom ons daarin wil belê.
