TLU SA neem kennis van minister Enoch Godongwana se begrotingsrede wat op 30 Oktober 2024, plaasgevind het. Dié landbouorganisasie wil egter duidelikheid vra oor hoe die aangekondigde planne werklik gaan bydra tot die werklike behoeftes van landbou en die Suid-Afrikaanse ekonomie.
“Die regering van nasionale eenheid se fokus op inklusiewe groei en werkskepping is waardevol, maar ons is bekommerd dat die werklike uitdagings, soos korrupsie en wanbestuur, nie regtig aangespreek word nie,” sê Bennie van Zyl, hoofbestuurder van TLU SA. “Hoe kan ons glo dat hierdie begroting werklik verandering sal bring as daar nie ‘n duidelike strategie is om korrupsie en kaderontplooiing uit te roei nie?”
Die minister se voorstelle oor die bou van ‘n bekwame, etiese staat is goed, maar TLU SA vra: Wat is die spesifieke stappe wat geneem sal word om die uitdagings in plaaslike regering aan te spreek? “Baie munisipaliteite sukkel reeds met finansiële bestuur. Hoe sal die regering seker maak dat hierdie probleme regtig opgelos word?”
Boonop is die verwagte ekonomiese groei van 1.1% vir 2024 teleurstellend. “Wat is die planne om hierdie groei te verbeter en om ‘n werklike omgewing te skep waar die privaatsektor vol vertroue kan belê?” vra Van Zyl.
TLU SA pleit nog altyd vir ‘n stabiele en voorspelbare sake-omgewing wat die landbou kan ondersteun. “Ons vra die regering om nie net mooi woorde te gebruik nie, maar om werklike aksie te neem wat die landbou en die breër ekonomie sal bevorder.”
The Minister of Finance, Mr Enoch Godongwana, is delivering the Medium-Term Budget Policy Statement (MTBPS) in the National Assembly today. The #MTBPS plays a vital role in the overall budget process as it sets out the policy framework for the budget presented every February. pic.twitter.com/UHZbkmEG5Q
— Parliament of RSA (@ParliamentofRSA) October 30, 2024
Fotokrediet: Parliament of RSA, X
