Klik hier en maak 'n bydrae tot die TLU SA Traumafonds
Maak 'n bydrae tot TLU SA Traumafonds: Klik hier
Boodskap Van Bennie | Mei 2022 Dinsdag | 24 Mei | 2022

Transformasie en die AAMP 

Na ’n proses van bykans 18 maande het minister Thoko Didiza die dag van haar begrotingsrede saam met sommige rolspelers in die waardeketting die sogenaamde Agicultural Agro-processing Master Plan (AAMP) afgeteken. Ten spyte van bepaalde aspekte daarbinne vervat wat ekonomies sin maak, is die hele proses onderhewig gemaak aan transformasie.

Reeds in Mei 2021 het TLU SA in ’n 10-bladsy dokument verskeie aspekte uitgewys waaroor ons uitklaring wou hê alvorens daar enigsins oorweging geskenk sou word aan verdere ondersteuning. Wat word bv. presies alles met transformasie bedoel, was vir ons seker die belangrikste. Ten spyte van herhaaldelike navrae en die belofte dat ons insette wel hanteer sal word, is TLU SA net eenvoudig uitgeskakel en is daar voortgegaan met die ondertekening. Van diegene wat deelgeneem het aan die gesprekke blyk dit op hierdie stadium dat dit net TLU SA is wat nie geteken het nie.

Die prys van transformasie is daar vir elkeen om te sien. Die ANC verpak sy beleid onder die begrip transformasie en dit wat “vermag” is sedert 1994 wys net vir ons vervalling en agteruitgang van feitlik elke stelsel wat hy nogal in goeie werking ontvang het. Die ANC se beleid het te duur geword vir al Suid-Afrika se inwoners.

Dit is uiters kortsigtig om enige dokument te teken waarbinne daar vir die ANC ’n blanko tjek gegee word waarmee hy “transformasie” kan implementeer. Vir diegene met wie daar gepraat kon word wat wel afgeteken het kon niemand sê waar begin transformasie nie, wat behels dit alles en waar gaan dit eindig nie.

TLU SA het deurlopend klem gelê op ekonomiese beginsels wat indien dit reg toegepas word dit vir boere of enige ander besigheid die geleentheid sou gee om sukses te bereik. Die wyse hoe die markkrag beginsels egter verkrag word, skep geleentheid vir mislukkings. Die resultate van die wyse hoe die ANC grondoordrag tot nou toe gedoen het met ’n selferkende meer as 90% waar die grond uit produksie gaan, spreek vanself.

TLU SA het intussen met Saai samesprekings gevoer wat uitgesluit was by die proses en het net opnuut besef dat ons al hoe meer staatsbestand sal moet raak indien ons enigsins wil oorleef met die wat die ANC tans opdis. Daar word tans ’n ope uitnodiging aan alle rolspelers gerig wat wil deelneem om ’n ekonomies volhoubare plan daar te stel wat in belang van almal in die landbou-omgewing tot voordeel sal strek.

 

Foto Wesley Tingey | Unsplash
Sluit aan
POPI
Nuusbriewe
Checkboxes
Kontak Ons

Warning: call_user_func_array() expects parameter 1 to be a valid callback, function 'frm_disable_honeypot' not found or invalid function name in /home/tlucosfk/public_html/wp-includes/class-wp-hook.php on line 305

Stuur vir ons 'n boodskap

Kontak Ons

Warning: call_user_func_array() expects parameter 1 to be a valid callback, function 'frm_disable_honeypot' not found or invalid function name in /home/tlucosfk/public_html/wp-includes/class-wp-hook.php on line 305

Kry ons nuusbrief

Nuusbriewe
Checkboxes

sluit aan

Sluit aan
POPI