Klik hier en maak 'n bydrae tot die TLU SA Traumafonds
Cele se uitsprake gevaarlik Dinsdag | 28 Junie | 2022

Minister van Polisie Bheki Cele het vir die soveelste keer homself aan die verkeerde kant van Suid-Afrikaanse boere bevind met sy uitlating dat boere wat onwettige buitelanders in diens neem die SAPD se werk bemoeilik om misdadigers op te spoor.

Cele het dié uitlating by ’n landelike veiligheidsvergadering in die Vrystaat gemaak. 

TLU SA wil dit duidelik maak dat aannames en beskuldigings soos dié niemand help nie.

“Dit is die staat se verantwoordelikheid om na die inwoners se veiligheid te kyk, maar hy faal liederlik in die opsig en nou probeer hy die blaam verplaas na onwettige immigrante wat hy ingelaat het deur die grense oop te maak. Geen boer gaan haal arbeid buite die grense van die land nie, hy kry dit binne die land,” het mnr. Bennie van Zyl, TLU SA Hoofbestuurder gesê.

“Dis die regering wat toelaat dat dié ongedokumenteerde mense in die land is en as hy nou ’n probleem daarmee het moet hy eerder die vinger na homself wys as na die boere deur die skuld vir die SAPD se gesukkel op hulle te pak. Dit is immers ook die regering se verantwoordelikheid om die mense wat van die buiteland kom te dokumenteer.”

Mev. Erika Helm, TLU SA Plaaslike Regering, het bygevoeg: “Minister Cele moet mooi besin oor sy uitlatings. Die ANC-regering het deur die Departement van Binnelandse sake werkspermitte uitgereik aan buitelanders. Is dit nie Cele se regering wat hierdie ope uitnodiging beskikbaar gestel het om buitelanders te akkommodeer nie? Dan het die Departement van Arbeid verder gegaan en boere aangemoedig om aansoek te doen vir korporatiewe permitte om hierdie buitelandse werknemers te akkommodeer.”

Dit is egter nie waar dit eindig nie.

“Verder het Cele se korrupte staatsamptenare verder gegaan en RSA ID dokumente aan buitelanders verkoop. Die regering moet eers terugdraai en kyk wat hy met sy ondeurdagte planne om buitelanders te akkommodeer teweeg gebring het.”

Sluit aan
POPI
Nuusbriewe
Checkboxes
Kontak Ons

Warning: call_user_func_array() expects parameter 1 to be a valid callback, function 'frm_disable_honeypot' not found or invalid function name in /home/tlucosfk/public_html/wp-includes/class-wp-hook.php on line 309

sluit aan

Sluit aan
POPI

Kry ons nuusbrief

Nuusbriewe
Checkboxes

Stuur vir ons 'n boodskap

Kontak Ons

Warning: call_user_func_array() expects parameter 1 to be a valid callback, function 'frm_disable_honeypot' not found or invalid function name in /home/tlucosfk/public_html/wp-includes/class-wp-hook.php on line 309