Klik hier en maak 'n bydrae tot die TLU SA Traumafonds
Maak 'n bydrae tot TLU SA Traumafonds: Klik hier

In die sosiale media sirkuleer kwaadwillige berigte na aanleiding van die 2011 Gelykheidshofsaak waarin TLU SA toegetree het in die saak tussen AfriForum en die ANC en Julius Malema as leier van die ANC Jeugliga op daardie stadium na aanleiding van die gereelde dreunsang van “Kill the Boer, kill the farmer”.

Die regter se uitspraak was duidelik dat die woorde haatspraak verteenwoordig en daardie uitspraak is allerweë verwelkom. Malema en die ANC het egter aangedui dat beide partye gaan appelleer teen die bevel dat dit nie meer gesing mag word nie.

Die Appèlhof het opdrag gegee dat die partye moet skik alvorens daar in die Appèlhof verskyn sou word. Die kommer het bestaan dat daar ‘n moontlikheid was dat die Appèlhof die uitspraak sou kon omdraai wat ons in ‘n posisie sou laat dat die lied en ook soortgelyke ander aanhitsende liedere dan nie as haatspraak beskou sou word nie.

Op advies van beide AfriForum en TLU SA se regspanne het die partye berus om tot ‘n formele vergelyk te kom wat daarop neergekom het dat beide die herkoms en status van die ander sal erken en respekteer. Daarmee saam ook dat Malema en die ANC onderneem om hulle volgelinge te ontmoedig om dit te sing.

By implikasie het die regter van die Gelykheidshof se bevinding egter van krag gebly in soverre die lirieke van die lied haatspraak verteenwoordig. Die skikking was dan ook ‘n bevel van die hof gemaak.

Dit word ook gestel dat enige regdenkende mens hom of haarself die vraag moet afvra hoekom sal partye die moeite en onkoste aangaan om sodanige hofsaak te maak en te baklei vir ‘n uitspraak om dan direk daarna in eie beweging dan te verklaar dat dit nie haatspraak is nie. TLU SA is oortuig dat dit wat daar bereik was die beste was wat gegewe al die feite en die omstandighede moontlik was.

Derhalwe is daar geen gronde vir die onlangse kwetsende kommentaar vanuit sekere oorde nie.

Sluit aan

Nuusbriewe
Checkboxes

Kontak Ons