Klik hier en maak 'n bydrae tot die TLU SA Traumafonds
Maak 'n bydrae tot TLU SA Traumafonds: Klik hier
TLU SA is trots om vanjaar weer die Landbou Sub-ekspo by die Sakeliga KragDag aan te bied. Die geleentheid vind tussen 14 en 16 Oktober 2021 plaas, oudergewoonte by die Diamantvallei Landgoed naby Cullinan.

Die Landbou Sub-ekspo het spasie vir 125 uitstallers en meer as 21 000 besoekers het in die verlede die Sakeliga KragDag besoek – dit is dus ‘n ideale bemarkingsgeleentheid. Die meeste groot name in landbou het reeds hulle plekke bevestig en verskeie kleiner landbou-verwante besighede sal ook oor die naweek hulle produkte ten toon stel.

Daar is wel nog plekke beskikbaar vir uitstallers – klein, medium of groot – maar dit raak vinnig vol bespreek. Spring dus vinnig om jou spasie te verseker. Die koste vir verskeie pakkette is beskikbaar by Lynette du Plessis van TLU SA. Kontak haar by 082 823 3399 of stuur ‘n epos aan sentraal@tlu.co.za.

Onthou dat daar ook kampplek op die KragDag-perseel beskikbaar is. Stuur gerus ‘n e-pos aan info@kragdag.co.za vir meer inligting. Verskeie gastehuise in die omgewing word ook op die webwerf genoem.

Om ‘n oorsig van die geleentheid te kry en jou gratis toegang te bespreek, besoek gerus die webwerf by https://kragdag.co.za/. Besoekers wat by die hek kaartjies wil koop, sal R100 betaal en toegang sal onderhewig aan inperkingsmaatreëls wees.

Uitgereik deur:          TLU SA
Datum:                      28 September 2021

Navrae:                       Mev Lynette du Plessis, Streeksbestuurder: TLU SA                                      Sentraal,
                                    Sel.: 082 823 3399