Soos die jare verbysnel het ons sedert die ANC se bewindsoorname deur ‘n verskeidenheid landbouplanne gegaan. Almal is besig om stof te vergader met ‘n weglaatbare suksessyfer wat getoon kan word. Tans is daar ‘n volgende plan in wording, die “Agriculture and Agro-processing Master Plan (AAMP)”.
TLU SA is deel van die proses en ons insette is ingedien. Dit wys duidelik daarop dat solank die regering gaan volhard om ‘n wêreldwye mislukte ideologiese benadering voorop te stel, die planne een vir een sal misluk. Landbou is ‘n ekonomiese proses en die enigste kriteria wat gebruik moet word, is die markkragbeginsels wat ekonomiese groei kan teweegbring.
