Die afgelope tyd het ons van verskeie privaatinstansies verneem wat hul gradeplegtighede in hierdie tyd afhandel. Dit te midde van betogings en stakings wat by verskeie akademiese instansies ervaar word. Daar is ook ’n opeis-kultuur wat wanneer ons in die praktyk die verantwoordelikheidsaanvaarding van sommige gekwalifiseerdes sien, ernstige vraagtekens laat.
Ons het vandag die voorreg van verskeie privaat inisiatiewe wat besonder hoë vlak opleiding verskaf wat sterk begrond en veranker is waar die afgestudeerde student met trots hul kwalifikasie kan benut. Dit beteken iets, omrede daar behoorlike kwaliteite ingebou is. Hierdie kwaliteit is belangrik vir die toekoms, wat diegene wat bevoorreg is om deur hierdie meule te gaan se begronding is ook bevorder by die instelling waar daar studeer is.
Dit is natuurlik reeds op skoolvlak van toepassing waar verskeie privaat inisiatiewe soos die BCVO-beweging reuse werk doen. Op tersiêre vlak is daar verskeie instansies wat hul stempel reeds stewig afgedruk het. Ons dink hier bv. aan die Afrikaanse Protestantse Akademie (die APA), Aros en Akademia.
Indien enige studies oorweeg word, raak dit vandag al hoe meer belangrik om hierdie instellings ernstig te oorweeg alvorens enige keuse gemaak word oor waar studeer gaan word.
Foto Aaron Burden | Unsplash
