Die Algemene Raad van TLU SA het in 2001 besluit dat ons in die lig van TLU SA se verbintenis tot ons erfenis, die werksaamhede van die AVKB sal bevorder en ondersteun.
Die AVKB het op 15 Mei 2021 hul kongres gehou en opnuut hul begronding, naamlik die geloof in God Drie-enig soos geopenbaar in Sy Woord, die Bybel, bevestig. Die verkiesing van die Dagbestuurslede het ook plaasgevind en daar is ‘n sterk span met oorwegend jong mense verkies.
Die volgende groot geleentheid is die Schildpaddop-selfbehoudkamp wat van 4 tot 11 Oktober vir skoliere van gr. 7 – 12 in die Ellisras-bosveld aangebied gaan word.
Meer besonderhede sal mettertyd beskikbaar gemaak word. Vir meer besonderhede oor die AVKB kan die hoofbestuurder by TLU SA gekontak word wat die navrae na die regte adres sal kanaliseer.
