Sang is die hartklop van die lewe. Musiek het helende krag. Dit het die vermoë om mense vir ‘n rukkie uit hulle omstandighede te lig.
Dit was juis dié gedagte wat geboorte gegee het aan Hoop Ongegrendeld – ‘n virtuele koorproduksie van Lig in Duisternis. In die hartjie van die grendelstaat het ‘n groepie entoesiastiese gelowiges besluit om ‘n boodskap van hoop na Suid-Afrika uit te dra, met koormusiek.
Die organiseerders het verder gevoel dat hulle daadwerklik wil hulp verleen aan droogtegeteisterde boere en ander hulpbehoewendes in die land. Die wins van die produksie sal dus – onder die leiding van verskeie hulporganisasies, soos ORGANISASIE NAAM – aan hierdie groepe versprei word.
Ons wil met die Ongegrendeld Produksie aan enige persoon wat wil saamsing, die geleentheid gee om deel te neem.
Die proses is baie eenvoudig. Deelnemers registreer op die webwerf en kyk daar na die koorleier, Braam van Tonder se video met algemene riglyne. Daar is ook onder elke gidsvideo ‘n stemnota wat meer inligting oor elke stuk se interpretasie bevat.
Koorlede oefen dan die stukke, beplan en neem hulle opnames op. Dit word teen 10 September 2020 gestuur aan hoop@apkerk.co.za.
Daarna word die opnames verwerk tot een groot koorproduksie. Dit sal dan tussen 16 en 21 Desember deur Dapper Musiek gestroom word. Kaartjies word vir toegang verkoop en die wins word dan aan die boere geskenk.
Onthou, daar is geen harmonie wanneer almal dieselfde noot sing nie. Ons het jou stem nodig.
Sing Suid-Afrika!
Groete,
Die Hoop Ongegrendeld-span
