Die Departement van Arbeid en Werkskepping het begin met COVID-19 voldoening-inspeksies op plase. Daar is ’n groot aantal boerdery-ondernemings wat die tyd van die jaar baie mense in diens het. Die aartappel-pakhuise is aan die gang, die uie-oes amper klaar en die sitrus-oes is goed op dreef.
Die pakhuise, landerye en boorde is vol seisoenale werkers en dit is die ideale tyd vir die departement om inspeksies te doen.
Lede word daarop gewys dat inspekteurs, behalwe hulle normale inspeksie, ook kyk na COVID-19 voldoening. Die inspekteurs let veral op na die volgende aspekte:
- Daaglikse monitering van werkers en besoekers se koors;
- Word maskers voorsien?
- Word hande gewas?
- Word werkoppervlaktes gereeld ontsmet?
- Is daar ’n register waarin bogenoemde aangeteken word?
- Word werkers ingelig oor persoonlike higiëne en die impak van COVID-19.
