KragDag kan as een groot hoogtepunt beskryf word en is ons van TLU SA se kant baie dankbaar vir al die geleenthede wat daar ontsluit het. Die interaksie met almal wat by TLU SA se stalletjie draai gemaak het bly natuurlik altyd van die beste. Daarmee saam het ons met genooide gaste van die media op die Donderdag sowel as die Vrydag saam middagete geniet.
Die twee geleenthede waar ons in die Raadsaal kon deelneem aan paneelbesprekings het die geleentheid gebied waar ons TLU SA se standpunte duidelik kon uitdra. Die veiligheids patente kompetisie was ook ’n eerste en hoop ons dat daar in die toekoms nog vele sodanige kompetisies geloods gaan word. KragDag 2022 se sukses was groot!
