Die Landbousektor Voorsorgfonds is gestig met die doel om aftreevoordele aan werkgewers (boere) en hul plaaswerkers te voorsien. Die fonds voldoen aan die vereistes van die Wet op Pensioenfondse en is dienooreenkomstig geregistreer. Die unieke fonds stel deelnemende werkgewers in staat om aftree-, sterfte-, begrafnis- en ongeskiktheidsvoordele aan plaasarbeiders en ander werknemers in die Landbousektor te bied.
’n Raad van Trustees bestuur die Landbousektor Voorsorgfonds en bestaan uit verteenwoordigers van Agri SA, LWO, TLU SA, MEC en Verso Finansiële Dienste. Verso Finansiële Dienste is met ingang van 1 Oktober 2023 deur die Trustees as fondsadministrateurs aangestel.
By aftrede is die lid geregtig op ’n uitbetaling van die totale waarde van sy/haar spaarkomponent in die fonds (onderhewig aan belasting). Die lid kan op enige stadium tussen ouderdom 55 en 70 jaar aftree.
By diensverlating (bedanking of aflegging) voor aftrede sal die lid geregtig wees op ’n kontant uitbetaling van die totale waarde van sy/haar spaarkomponent in die fonds (onderhewig aan belasting). Die lid het ook die keuse om hierdie voordeel oor te plaas na ’n ander deelnemende werkgewer in die fonds, of ’n bewaringsfonds. Die lid het ook die keuse om die voordeel in die fonds te laat tot normale aftree ouderdom.
Plaaswerkers maak meestal staat op hulle liggaamlike vermoëns. Ongeskiktheidsdekking bied gemoedsrus indien iets onvoorsiens gebeur.
Sterftedekking bied ‘n enkelbedragvoordeel in die geval van die afsterwe van ‘n lid.
Vir meer besonderhede kontak Ben de Jager by ben@verso.co.za of 0714953333.
