Maak 'n bydrae tot TLU SA Traumafonds: Klik hier
Leierskap in die tyd Donderdag | 23 April | 2020

Elke boer is ‘n leier in eie reg. Daar word daagliks besluite geneem wat die toekoms van die boerdery beïnvloed. Deur seker te maak dat die besluite ingelig is, sal dit makliker maak om die uitdagings te oorkom.

Ons moet besef dat ons omstandighede reeds verander het en noodwendig betyds die nodige aanpassings moet maak om die situasie te kan hanteer. Ons elkeen moet verder besef dat die tyd vorentoe nog meer gaan verander en dat ons nie onkant gevang moet word nie.

Die moontlikheid dat markte anders daar gaan uitsien en dat veiligheidsomstandighede kan versleg, met ‘n steeds afwesige regering, is maar enkele dinge wat kan ontsluit. Ons uitdaging gaan wees om met betroubare inligting vinnig en dinamies te kan aanpas by veranderde omstandighede om te verseker dat ons steeds mededingend gaan bly. Kollektiewe vermoë en benutting van kennis en inligting, sal gewis bepalende faktore wees om sukses te bereik.

In hierdie proses van aanpassing gegewe die veranderlikes is dit wel belangrik om enduit seker te maak dat ons nie ons begronding verloor nie. Vir die pad vorentoe gaan daardie leiers wat hul geloof behou en dan met ‘n positiewe ingesteldheid, ongeag al die negatiwiteit, skeppend die toekoms aanpak en die verskil maak wat nodig is.