Die regering konsulteer deur middel van ‘n werkgroep met rolspelers in die landbou waardeketting oor die ‘Meesterplan vir Landbou’. TLU SA is deel van die samesprekings en gee ook gereeld ons insette.
Ten spyte van goeie argumente in die dokument word dit reeds so saamgestel dat die ekonomiese markkragte in ‘n sekere sin misken word. Dit is ‘n ideologies-gedrewe dokument. Tog betaal Suid-Afrika reeds sedert 1994 ‘n baie duur prys vir die ideologie (‘n ideologie wat nog nêrens in die wêreld tot sukses gelei het nie) wat die ANC nastreef.
Op 4 Mei het ons die geleentheid om ons standpunte met die werkgroep wat die dokument saamstel, te deel. TLU SA se insette is gefokus op die markkrag beginsels ten einde seker te maak dat ons nie voorstu op die huidige pad van mislukking waar die regering self erken dat meer as 90% van hul grondoordragte uit produksie uit gaan nie.
