Die afgelope jaar was omtrent propvol. Dit het sekerlik meer as een keer gevoel asof dinge uit hul nate bars! Met God se genade en seën het ons egter die einde van nog ’n jaar bereik.
Ek wil aan elke boer wat vanjaar weer alles uitgehaal het vir sy/haar medeburgers baie dankie sê. Dit was nie maklik nie, maar julle het vasgebyt. Om boer te wees is ’n roeping… Sterkte nog met al die werk wat in Desember gedoen moet word.
Wat veiligheid betref: Wees asseblief ekstra waaksaam en moenie verslap nie. Dit is ’n spesiale tyd van die jaar, maar daar is dié daar buite wat opportunisties is en van ons familietyd wil gebruik maak om misdaad te pleeg. Maak seker jy is voorbereid vir al die kragonderbrekings as dit by jou veiligheidstoerusting kom.
Seën vir die Feestyd en alles van die beste vir die begin van Januarie 2023.
