Planttyd is steeltyd.
Boere moet tydens hierdie planttyd seker maak dat produkte soos kunsmis, diesel, saad en chemikalieë nie gesteel word nie. Maak seker dat jy jou produkte op ‘n veilige plek bewaar tydens hierdie tyd, sodat daar nie onnodige verliese gelei word nie.
Veediefstal en plaasaanvalle.
Veediefstal en plaasaanvalle neem ook toe tydens hierdie tydperk van die jaar, en daarom is dit belangrik vir alle lede om hul waaksaamheid te verskerp gedurende hierdie tyd. Indien lede enige vreemde geluide hoor, moet hulle asseblief nie alleen gaan ondersoek instel nie, maar eerder die plaaswag aktiveer. Dit is ook belangrik om saam te staan gedurende hierdie tydperk. Wees gereed om jou buurman te help in tyd van nood.
Majuba-Boerevolktrust.
“Die Majuba-Boerevolktrust is ‘n trust wat die gedenkplek Majuba kragtens die trustakte wil behou en uitbou vir die gebruik deur die Boerevolk as ‘n waardige monument van die Slag van Majuba van 27 Februarie 1881.” – Majubaberg.
TLU SA is uitgenooi as mede-aanbieder en gasheer vir die Majubafees wat plaasvind op 24 – 26 Februarie 2023. TLU SA nooi dus alle lede uit om deel te neem aan die kampnaweek en die Majubafees te ondersteun. Enige lede wat as vrywilligers wil optree gedurende die naweek deur te help met hekdiens of terreinskoonmaak, word ook versoek om kontak te maak met Bennie van Zyl, TLU SA Hoofbestuurder op 082 466 4470 of hb@tlu.co.za.”
Groete,
Henry
Foto: Pexels
