Terwyl groot dele van die land die afgelope tyd goeie neerslae reën ervaar het, is sekere dele van die land steeds vasgevang in die knellende droogte se knyptang.
Daar is groot dankbaarheid vir die goeie reën en die gesaaides sowel as die weiding in hierdie gebiede is aanskoulik. Mag ons geseën word met goeie opvolg reën wat belangrik is om oeste suksesvol deur te sien en voldoende weiding te genereer.
Daar is egter in sekere dele van die Noord-Kaap steeds ernstige droogte. Deel van die probleem is dat die veekuddes in hierdie gedeeltes nou slegs 30 – 50% uitmaak van wat die boere normaalweg aanhou. Die tyd wat dit gaan neem om weer ekonomies lewensvatbare kuddes te kan hê gaan ‘n groot poging verg wat nie vinnig sal kan gebeur nie.
KOEKIEBAK PROJEK
‘n Groep dames het verlede jaar weggespring om self aan hulle omstandighede iets te doen. Met die Koekiebak-projek kon die deelnemers vir hulleself inkomste genereer. In sommige gesinne is daar voldoende fondse verdien om selfs die lone-rekening vir Desember te kon betaal sowel as kruideniersware vir die gesin aan te koop.
Ongeveer R2,5 miljoen is op hierdie wyse gegenereer.
Die Koekiebak projek gaan voort en word deur die Caring Daisies ondersteun, terwyl die bak van beskuit in die vooruitsig.
Ondersteun asb die projek. ‘n Emmertjie koekies van 600 gram bevat drie soorte gevulde koekies en twee soorte ongevulde koekies is teen R100.
Bestellings kan by hierdie skakel geplaas word: klik hier. Afsetpunte word ook daar aangedui.
Volg die vordering op die Caring Daisies se Facebookblad.
