Van TLU SA se bestuur se kant wil ons die Jongboerkomitee hartlik bedank vir die werk wat deurlopend gedoen word om vir ons jong boere ‘n positiewe verskil te maak.
Hulle hou vanjaar sommer vroeg in die jaar hul konferensie op die naweek van 8 tot 10 Februarie by Weesgerus naby Nylstroom.
Die amptelike konferensie vind Saterdagoggend plaas. Uitgesoekte sprekers kom praat oor die jongboere se behoeftes. Daar is geen koste vir TLU SA lede nie terwyl nie-lede R200 moet betaal.
Die res van die naweek gaan sosiale verkeer behels. Saterdagaand is daar ‘n dans tesame met ‘n heerlike ete teen R150 per persoon.
Volle besonderhede is by hierdie skakel: https://www.tlu.co.za/jongboere/ sowel as op die Jongboere se Facebookblad beskikbaar.
Die Jongboerkomitee sê vir elke jong boer – “Nou is jou tyd!”
Kom ons vat saam hande om ook as jong boere ons bydrae te maak om te help bou aan ons eie toekoms.
Vir navrae kan Luani geskakel word by 012 804 8031.
