Maak 'n bydrae tot TLU SA Traumafonds: Klik hier
Rapportering van misdaad Sondag | 26 Januarie | 2020

‘n Beroep word weereens op lede gedoen om landbouverwante misdade waarvan hulle kennis dra te rapporteer (asseien@tlu.co.za). Ondanks die feit dat TLU SA se Misdaadregister waarskynlik een van die mees volledige nie-amptelike databasisse is, word die oorgrote meerderheid van insidente geregistreer deur ‘n werknemer wat van velerlei informele kontakte gebruik maak.

Lede se aandag word weereens daarop gevestig dat die SAPD op versoek, ook na ander nie-geweldadige misdade kyk wat volhoubare- en winsgewende landbou bedreig. Dit sluit onder andere die volgende in:

  • Ernstige- en Geweldsmisdade
  • Huisroof
  • Moord / Poging tot moord
  • Verkragting
  • Gewapende Roof insluitende voertuigkaping
  • Brandstigting
  • Intimidasie
  • Kwaadwillige beskadiging van eiendom
  • Aanranding
  • Misdade wat landbou ontwrig
  • Diefstal van:
    • Produkte, saad, koring, mielies, groente, vrugte, neute, koffiebone;
    • Landbouimplemente insluitend voertuie, pompe, besproeiingstoerusting, brandstof, chemikalië, heiningmateriaal, heinings
    • Voer, hooi en lek
    • Kunsmis;
    • Brandhout;
    • Boumateriaal insluitend bousand en sement;
    • Materiaal wat energieopwekking moontlik maak soos sonpanele;
  • Beskadiging van:
    • Eiendom soos geboue, heinings en watervoorsieningsuitrusting;
    • Noodsaaklike infrastuktuur soos beskryf in Wet 18 van 2015 soos sonpanele, pompe en kommunikasieuitrusting;
    • Landboutoerusting;
    • Lewende hawe insluitend vergiftiging en verminking van lewende hawe;
    • Aanhitsing tot geweld en misdaad;
    • Onwettige protesoptrede; enIllegal protest actions;
    • Diefstal van lewende hawe insluitend onwettige jag (met of sonder honde).