Garrun Boere Makelaars (gestig in 2005) is welbekend vir die uitstekende diens wat hulle al vir jare lank in Mokopane en in Limpopo lewer. Hulle is veral gefokus op boere- en kort termyn versekeringe. Ons stel u van vandag af voor aan Nasionale Boere Makelaars (NBM). NBM is die her-gestruktureerde Garrun Boere Makelaars en lewer steeds dieselfde uitstekende dienste as waaraan u gewoond was. Ook die daaglikse bestuur bly dieselfde; Philippie de Beer (BCom (Insurance) Hon) en Hendrik de Swardt, is bekendes in die versekeringswese. Menere Sandy Guthrie, Philippie de Beer en Hendrik de Swardt is nog steeds die aandeelhouers.
NBM is geaffilieer by Versma Bestuursdienste en is deel van die Insbro Groep en werk eksklusief met makelaars. Die nuwe hoofkantoor, wat onlangs betrek is, is in Ruiterweg 119, Mokopane. Daar is ook kantore in Marble Hall, Polokwane en Middelburg. Dan is daar ook ‘n Groblersdal Boere Makelaars kantoor. Mokopane Boere Makelaars (MBM) is ‘n afstammeling van Nasionale Boere Makelaars (voorheen Garrun Group). MBM werk weer net met kliënte alleenlik.
Die Insbro Groep is een van die grootste versekeringsmakelaars groepe in die land. Nasionale Boere Makelaars, ’n divisie in die groep, het 28 takke en makelaars vennote dwars oor die land, wat uit 43 makelaars bestaan om kliënte te diens. Die NBM Groep en verskeie versekeringsmaatskappye het ooreenkomste bereik en ’n maak-pas boere produk ontwikkel, byname die NBM Boere Polis. Hierdie is ’n eksklusiewe boere polis wat net vir die NBM Groep ontwikkel is. Die dienste wat deur die NBM Groep gelewer word sluit die volgende in: onderskrywing, uitreik van poliskontrakte, vorder van premies en uitbetaling van eise tot toegelate maksimums. Ons groep het ooreenkomste met die meeste versekeraars nl. Santam, OMI, Renasa, Western National Insurance, Hollard ens. Dit alles het ons net meer beheer gegee oor die tipe diens wat ons aan ons kliënte wil lewer, nl. professioneel, vinnig en akkuraat.
Die NBM Groep het gedelegeerde magte vanaf verskeie versekeraars en spesialis versekeraars. Ons het ooreenkomste met 31 versekeraars en onderskrywingsbestuurders in plek, wat almal standvastige ondernemings is om die kliënt ’n wye keuse te kan bied om sodoende ’n ingeligte besluit te kan neem rakende sy portefeulje.
Die voordeel wat ons die TLU SA en hul lede bied
- Die boer (nuwe kliënt) kry 10% afslag indien sy premie minder as R3,000 per maand is en 15% as sy premie meer as R3,000 per maand is. Dit beteken dat elke boer sy huidige skedule moet lewer, daarna kry hy die afslag, mits eise verhouding minder as 70% is.
- Die DLU waaraan die boer behoort kry 15% van die Makelaars- kommissie as ’n diensfooi. Dit is ongeveer 2,25% van die premie.
- Op ’n gemiddelde premie van R 6,500 per maand beloop die diens- fooi op R1,750 per jaar wat aan die struktuur oorbetaal word.
- ’n Unieke pasgemaakte boere versekerings produk, enigste in sy soort in Suid-Afrika, word aan u lede beskikbaar gestel.
- ’n Keuse om met enige van die vernaamste versekeraars in die land mee besigheid te doen.
- ’n Eenstop diens wat alle fasette van korttermynversekering aan kliënte bied nl.:
- Landbou Bate Versekering
- Kommersiële Versekering
- Persoonlike Lyne
- Oesversekering
- Wild Versekering
- Lewende Hawe Versekering
- Marine Versekering
- Toerusting Alle Risiko en Kontrakteurs Versekering
- Lugvaart Versekering
- Swaar Motor Voertuie en Transito Versekering
Vir verdere inligting rakende die NBM Groep kan u vir Mnre. Hendrik de Swardt (082 852 8039) of Philippie de Beer (083 230 4583), skakel, of om te versoek dat ’n makelaar u moet besoek.
