Daar word tans gewerk aan die soveelste landbouplan deur die regering naamlik die AAMP. Rolspelers in die waardeketting het die geleentheid gehad om insette te gee.
TLU SA het konstruktief deelgeneem en gepoog om daardie ekonomiese beginsels wat deur die markkragte as bepalend vir sukses al dan nie ingebou te kry. Die proses staan einde se kant toe en is dit hartseer dat daar weereens ’n plan gefabriseer word wat ten spyte van verskeie goeie ekonomiese pilare daarin vervat, die ideologie van die ANC weereens die laaste woord in die plan sê. Die transformasie agenda van die regering vier hoogty. TLU SA het deurlopend gepoog om hierdie keer ’n ekonomies gedrewe plan daar te stel waarin alle rolspelers indien hulle die verantwoordelikheid wat dit verg om te kan boer, aanvaar, wel geleentheid tot sukses sou kon hê.
Reeds ’n jaar gelede het TLU SA ’n 10-bladsy inset gegee waarop ons steeds sukkel om antwoorde te kry. Die nuwe plan word voortgestoomroller en is die onrealistiese verwagtinge wat daarin verpak word eintlik hartseer. Die duur prys wat landbou en ook Suid-Afrika gaan betaal op die lang duur is nie iets wat ons kan bekostig nie. TLU SA is steeds besig om rasionele en ekonomies gedrewe standpunte te probeer vestig.
