Die evaluering van die jongboere vir vanjaar se kompetisie is afgehandel. Gewis een van die moeilikste jare tot nog toe om die wenner te kies sedert die kompetisie begin is. Baie dankie aan al die jongboere wat deelgeneem het. Julle is inderdaad elkeen ’n wenner in eie reg. Die wenner sal by die Kongres op 7 September aangekondig word.
Graag wil ons ’n woord van groot dank rig aan die onderskeie borge wat dit vir ons moontlik maak om die prestasies te kan beloon met die nodige erkenning. Die borge verdien ons ondersteuning en indien u enige besigheid in die bepaalde rigting sou wou doen, is dit net billik wees om vir hulle ook geleentheid te gee vir ’n kwotasie. Ons sê spesiaal dankie vir Manitou, Santam, CMH Ford Hatfield, Introlab en Ctrack vir hul ondersteuning.
