Kosmostyd bring jaarliks in sekere dele van die land ’n stukkie sprankel met hul voorkoms in die veld. Die seisoenale tekens bring gegewe hul boerdery-tipe vir elke boer die nodige seine om die seisoene korrek te bestuur.
Heelwat word gesê oor klimaatsverandering in die dae. Droogtes en vloede en uiterste klimatologiese realiteite is reg deur die wêreld aan die orde. Die belangrikheid vir enige boer is om op hul eie plaas die nodige navorsing te doen en die nodige aanpassings te maak om seker te maak dat gegewe al die veranderlikes in elke keuse in die produksieproses die primêre fokus gevestig sal wees op winsgewendheid. TLU SA se Adviesdiens fokus juis op veral die graanboere om juis die regte praktiese toepassing van beginsels te kan implementeer wat gebaseer is op ongeveer 40 jaar se navorsing.
Dit is hartseer dat so min boere gebruik maak van hierdie adviesdiens wat boere kan help om meer winsgewend te wees. Dit gaan niks van u wegneem om ten minste u bestaande benadering te toets teenoor hierdie aanbevelings waarna daar ingeligte besluite geneem kan word om u eie winsgewendheid te kan verbeter. Kontak gerus vir dr. Gawie du Toit by 083 630 1330 om u opsies vir die volgende plantseisoen te verbreed.
