Ons komitees speel ’n baie belangrike rol in die ontleding van aspekte wat op daardie spesifieke terrein ’n invloed uitoefen op ons lede se boerderye. Slegs deur probleme en tendense te identifiseer en met die hulp van kundige insette moontlik oplossings te kry, kan lede geadviseer word om ingeligte besluite te kan neem. Elkeen van ons streke het die verantwoordelikheid om vir elke komitee ’n persoon aan te wys wat op nasionale vlak die streek daar sal verteenwoordig, insette te maak en eerstehandse kennis te verkry.
Sommige komitees funksioneer beter as ander en daarom word deelname ernstig versoek. Indien daar enige lid is wat graag ’n bydrae wil maak tot die verbeterde funksionering van ’n komitee, sal dit baie waardeer word indien hulle via hulle streke die kantoor kan inlig. Lede kan ook ongeag die streek se benoeming betrokke raak indien hul voel hul kan ’n bydrae maak. Die komitees se skakeling vind grootliks dmv digitale platvorms plaas wat nie groot reiskostes van lede sal verg nie.
Die volgende komitees is van toepassing:
- Veiligheidskomitee
- Plaaslike Regeringskomitee
- Ekonomiese Sakekomitee
- Omgewingsbestuurskomitee (insluitend aspekte soos watersake, hulpbronbewaring, hantering van besoedelingsprobleme ens.)
- Eiendomsregkomitee
- Arbeidskomitee
Navrae kan gerig word aan Lynne by register@tlu.co.za
