Die slagtings van vee langs paaie en in die veld neem geweldig toe. So ook skaap-diefstal. Groot getalle word gesteel. Meeste van die vleis word aan die informele markte gelewer. Soos voedsel pryse styg sal slagtings toeneem waar sindikate voordeel trek uit die geleentheid. Veewagters word in die proses gedreig en ook aangeval.
Hier is ’n paar voorkomende maatreëls om van kennis te neem: Ken die agtergrond van jou werkers; gebruik geregistreerde wagte van betroubare sekuriteitsmaatskappye; tel gereeld jou vee en hou heinings in stand; merk jou vee duidelik (vir uitkennings doeleindes); ry patrollie in ’n georganiseerde struktuur saam plaaswagte en SAPS; rapporteer verdagte voertuie en hou rekords daarvan; sigbaarheid en samewerking van SAPS in area is afskrikmiddel; raak betrokke by VIS en woon vergaderings by.
As dit kom by rapportering onthou: meld alle sake onmiddellik aan; hou rekord van saaknommers; bewaar tonele en dring aan dat Forensies uitkom en DNS vat van alle bewysstukke op tonele.
Baie belangrik: MOENIE VLEIS WAT AGTER BLY AAN SAPS OF WERKERS GEE NIE!
Dit bemoeilik ondersoeke. Neem ook self foto’s en hou rekord van dit saam met die saaknommer. Maak seker jou A1-verklaring is volledig en korrek. Volg voortdurend op met Veediefstal oor die vordering van jou saak en vra vir weeklikse terugvoer van ondersoek beampte.
Indien jy gespesialiseerde hulp nodig het, maak kontak met ons TLU SA Veiligheidskomitee voorsitter Mort Mortassange by 083 557 9975.