Ons staan almal met hoop en afwagting oor die horison, met die belofte van goeie reën wat die nuwe plantseisoen sal inlui. In hierdie tyd wil ons graag ons boere sterkte toewens vir die seisoen wat voorlê. Mag ons in geloof en vertroue die reën sien kom, en weet dat ons Hemelse Vader ons sal seën vir die pad vorentoe.
Dit is ook die tyd om waaksaam te wees vir die uitdagings wat saam met die plantseisoen kom, soos die toename in diefstal van kunsmis, saad, chemikalieë en brandstof. Ons doen ‘n beroep op alle boere om nodige voorsorg te tref en planne in plek te hê om verliese te beperk en te voorkom.
Na ‘n moeilike winter met talle brande, vertrou ons dat hierdie seisoen vol nuwe lewe sal wees, en dat die reën sal kom om die laaste vlamme te blus.
Van my kant af wens ek julle voorspoed en seën toe. Mag dit ‘n vrugbare seisoen wees, en onthou altyd waar ons krag en hulp vandaan kom.
Foto Rodion Kutsaiev | Unsplash
