TLU SA reik soos dit moontlik is uit na ander instansies om sekere voordele vir ons lede te beding. In sommige gevalle ontvang ons borgskappe wat rondom die kongres en Jongboer-konferensie aan ons gemaak word en in ander gevalle is daar spesifieke voordele wat aan ons lede aangebied word. Daar is groot dankbaarheid teenoor hierdie instansies wat op welke wyse ook al uitreik na ons lede.
Wat egter hartseer is, is wanneer van hierdie instansies na ’n jaar se ondersteuning aan ons vir ons noem dat daar weinig indien enige belangstelling of navrae vanaf ons lede aan hulle gemaak word. Ons pleidooi is dat vir hierdie instansies ten minste ’n geleentheid gegee word wanneer besigheid in ’n bepaalde rigting oorweeg word. Dit word verstaan dat lojaliteite oor jare opgebou is en dat dit nie sommer verbreek sal wil word nie. Om wel uit te reik na hierdie ondersteunende instansies en ten minste net te hoor watter voordele dit sou inhou om wel besigheid met hulle te oorweeg plaas elke lid in ’n beter besluitnemings posisie.
Graag wil ons al ons lede versoek om na hierdie instansies uit te reik en ten minste te verneem wat dit vir u inhou. TLU SA is dankbaar vir elke borgskap en sou die minste wat ons kan doen ten minste ’n uitreik na hierdie instansies wees. Soos hierdie geleenthede ontsluit word dit bekendgestel aan ons lede. Dit word voortdurend op ons Facebook-blad bekendgestel sowel as op ons webblad.
Die volgende word opnuut onder die aandag gebring:
- Advies diens vir winsgewendheid
- Welstandlessenaar vir behoorlike opvolg beplanning met ‘n boedel
- Voorsorgfonds
- Timac Agro vir kunsmis
- Vergo vir goedkoper diesel
- R10000 afslag op Son Safari eksklusief vir TLU SA lede voor einde Maart
- C Track stelsel vir beter beheer oor vloot voertuie
