Die kongres met die tema “Reik na die Toekoms” is afgehandel en lê die groot werk nou voor. Vanjaar was daar gefokus op die aspekte wat knelpunte is op grondvlak vir boere en is daar bespreking gevoer oor die onderskeie komitees se werksaamhede en het lede van die vloer geleentheid gekry om hul standpunte te deel. Al die insette word verwerk deur die onderskeie komitees waarna die Uitvoerende Komitee tydens ’n strategiese werksessie op 21 September dit sal verpak as besluite vir voorlegging aan die volgende Algemene Raad vir uitvoering daarvan.
Henry Geldenhuys en Wannie Scribante is onderskeidelik herkies as president en adjunk-president vir die volgende termyn. Die onderskeie streke kies hul streekvoorsitters in streekverband en is die proses grootliks afgehandel en sal die nuwe UK binnekort bekend gemaak kan word.
Graag bedank ons ook weer al die borge wat die dag moontlik gemaak en ondersteun het.
