Klik hier en maak 'n bydrae tot die TLU SA Traumafonds
Maak 'n bydrae tot TLU SA Traumafonds: Klik hier
Op Henry se Hart | Oktober 2021 Dinsdag | 26 Oktober | 2021

TLU SA en die beleidsomgewing

Ten einde die beleidsomgewing deurlopend aan te spreek bly ’n reuse-uitdaging. Die wêreld van privaatbesitreg en die toepassing van die markkrag-beginsels waar individue die keuse kan maak om hulself te bemagtig en te presteer tot by sukses (winsgewendheid) is inderdaad lynreg in botsing met die ideologiese pad wat die ANC-regering poog om te implementeer waar sentrale beheer die fokus is.

Die resultate van die regering se beleid is daar vir elkeen om te sien. Ineengestorte infrastruktuur, plundering van die staatskas op alle vlakke, korrupsie, kader-ontplooiing, swak of geen dienslewering alles verduidelik met ‘n blaamspel van skuldverplasing om eie onvermoë te probeer omseil. Die resultate van suksesvolle boere, ten spyte van al die uitdagings, is daagliks vir elke verbruiker met ’n bord kos op die tafel om te sien en te ervaar.

Baie krisisse wat aangespreek word, is inderdaad die gevolge of die simptome van die beleidsomgewing wat die ANC probeer afdwing op die land. ’n Beleid wat wêreldwyd nog net armoede veroorsaak het bly die ANC se koers waaraan daar naarstigtelik aan vasgehou word.

Die jongste in die landbou-omgewing is die “Agriculture and Agro-processing Master Plan” (AAMP) wat tans onder bespreking is.

TLU SA is bekommerd oor die transformasie-agenda wat ongedefinieerd die dokument deurspek. Redelik goeie pilare word gestel waarop die dokument berus soos byvoorbeeld klaar onduidelike beleidsvoorneme op en skep ’n beleggingsvriendelike klimaat, maar dan onderhewig aan ’n begrip soos inklusiewe transformasie groei.

TLU SA het ’n 10 bladsy lange inset gegee om duidelik uit te klaar wat word met al die transformasie-agendas bedoel. Die gesprekke is tans nog in proses en staan TLU SA vas by die beginsels wat die ekonomiese toets sal slaag. Te lank het die regering se ideologiese speletjies mislukte en nie-uitvoerende planne die lig probeer laat sien en kos dit ons land net oneindig baie geld.

 

Foto: Tierra MallorcaUnsplash