Die afgelope maand het Suid-Afrika opnuut met ‘n belaglike regulasie te doen gekry. Daar is duidelik nie besin oor wat die implikasies daarvan op almal gaan wees nie. Die minister van energie en minerale het ‘n verbod geplaas op die aankoop van brandstof in los houers. TLU SA het onmiddellik werk gemaak om hierdie saak omgedraai te kry. Die impak daarvan op landbou, maar ook op so baie ander sektore in die ekonomie sou amper gesien kon word as ekonomiese sabotasie.
TLU SA wil graag baie dankie sê vir al die ander rolspelers wat gesamentlik werk gemaak het van die situasie om binne een dag ‘n uitkoms te bewerkstellig waar daar weer brandstof aangekoop kan word in ‘n SANBS-goedgekeurde houer. Ons vertrou dat die onderskeie pompjoggies die onderskeid sal kan tref oor watter houers toelaatbaar is.
Foto: Skitterphoto | Pexels
