Vanaf 9-16 Desember kuier ons saam soos in die ou dae by die Voortrekkermonument.
Kom doen jou Kersinkopies by ons Boeremark of Kersmark wat elke aand tydens die Gelofteweek uitstal of besigtig die kunsuitstalling binne die monument en stap deur ons Vrijheidsreis tot binne ons liggietuin.
Dis ’n fees vir alle Afrikaners, oud en jonk, met kuierkonserte waar bekendes soos Pieter Smith, Adam Tas, Jay, Piet Smit en nog meer gehore gaan vermaak, jongspan-aktiwiteite, lekker kos, perdekarritte en programme om jou touwys te maak.
Bring die hele familie en al jou vriende en kom ervaar Afrikanerkultuur en gasvryheid op sy beste.
Om ’n gratis besoekerskaartjie vir Gelofteweek te ontvang, is dit noodsaaklik vir elke volwassene om te registreer. (Kinders hoef nie te registreer nie.) Geregistreerde besoekers sal ’n e-pos ontvang met hul gratis besoekerskaartjie asook daaglikse kennisgewings en aktiwiteite tydens Gelofteweek op WhatsApp.
👉 Klik hier om te registreer: https://vtm.org.za/gelofteweek2022/
Let wel, R20 parkering per voertuig is betaalbaar by die verskeie betaalpunte op die terrein vanaf 9-15 Desember asook addisionele jongspan-aktiwiteite soos aangedui in die program.
Die Monument wil graag die plaaswerf uitbrei en is op soek na ou plaasimplemente om uit te stal. Hy wil ook selfvoorsienend raak en wil graag hoenders en moontlik ’n koei daar huisves. Dalk kan iemand met hoendertjies help? Daar is darem al enkeles.
